Манай улсад 1922 онд эрчим хүчний салбарын үндэс суурь тавигдсан байдаг. Одоо бие даасан дөрвөн систем, найман цахилгаан станц ажиллаж байна.

Манай улс нийт 329 сумтай. Үүний 314-ийг төвийн эрчим хүчний системд холбожээ.

11 сумыг ОХУ болон БНХАУ-ын хил дагуух эрчим хүчний эх үүсвэрээр хангадаг бол дөрвөн сумын цахилгаан, дулааныг дизель түлшээр хангаж байна.

Манай Улс “Сэргээгдэх эрчим хүчний үндэсний хөтөлбөр”-өө баталсан. Энэ хөтөлбөрт зааснаар бид 2030 он гэхэд нийт эрчим хүчнийхээ 30 хувийг сэргээгдэх эрчим хүчээр хангана. Одоогоор 120 мянган малчин өрх л нарны зайн үүсгүүр ашиглаж байгаа нь хангалтгүй дүн юм.

Мөн хүн амын тоо өсч, хотжилт хүрээгээ тэлэхийн хэрээр эрчим хүчний хэрэглээ эрс нэмэгдсэн. Гэтэл одоогийн эх үүсвэрүүд өндөр насжилттай болсон гэх мэт асуудлууд энэ салбарт бий. Иймд томоохон төслүүд хэрэгжүүлж байна.

Эх сурвалж: Эрчим хүчний яам