Улсын Их Хурлын 2024 оны хаврын ээлжит чуулганы өнөөдрийн нэгдсэн хуралдаан 10:00 цагт эхэллээ. Үдээс өмнөх чуулганы хуралдаанаар:

• Засгийн газраас өргөн мэдүүлсэн Гаалийн албан татвараас чөлөөлөх тухай хуулийн төслийг хэлэлцэх эсэх
• Үндсэн хуулийн цэцийн 2024 оны 01 дүгээр дүгнэлт
• УИХ-ын гишүүн Ц.Мөнх-Оргил нарын хоёр гишүүний өргөн мэдүүлсэн Үндсэн хуулийн цэцийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслийг хэлэлцэх эсэх зэрэг асуудлыг хэлэлцэх юм байна.

Хэлэлцэж буй асуудалтай холбогдуулан УИХ-ын гишүүн Ц.Даваасүрэн:

-ҮХЦ-ээс оруулж ирж байгаа дүгнэлтийг хүлээн зөвшөөрч байна. Цэцийн бүрэлдэхүүн өөрчлөгдсөнд найдвар тавьж байгаа шүү. Та хэд бол төрийг яаж ч самарч мэдэх аюултай эрх, мэдэлтэй улс. Ямар ч толгойгүй, улстөрийн өндөр албан тушаалтнуудаас айчихсан,  “Морь унасан толгойгүй хүн” танай Цэцэд их байдаг шүү. Үндсэн хуулийн хуучин бүрэлдэхүүн бол ард түмнээр шүүлгэхгүй балай юм хийсэн.