Дархан-Уул аймгийн ерөнхий боловсролын 17-р сургууль ухаалаг ангиудтай болжээ. Тодруулбал улсын төсвийн 1.7 тэрбум төгрөгийн хөрөнгө оруулалтаар тус сургуульд 19 ухаалаг ангийг шинэчлэн тохижуулжээ.
Эл ухаалаг анги нь:

• Ухаалаг самбар (All in One шийдэл)
• Документ камер (Биет материалыг ухаалаг самбарт шууд харуулах)
• Хиймэл оюун ухаан бүхий хөдөлгөөн дагадаг камер
• Сурагчийн таблет
• Таблет хадгалах, цэнэглэх зөөврийн шүүгээ
• Агаар чийгшүүлэгч болон амьд цэцгийн хослол
• Сургалтын цогц программ хангамжаас бүрдэнэ.  

️Мөн стандартад нийцсэн багш, сурагчдын эрүүл мэндэд сөрөг нөлөөгүй, тав тух бүхий эргономик ширээ, сандалтай хослуулсан багш сурагчдын харилцан интерактив ажиллагаа, зайн сургалт хийх нөхцөлийг бүрдүүлж, интернэт орчинд дэлхийн боловсролыг сурагчдад тэгш бөгөөд хүртээмжтэй хүргэх, орчин үеийн ухаалаг анги танхимыг бүрдүүлж байгаагаараа онцлог юм.

Энэ хичээлийн жилд Дархан-Уул аймагт 24.500 гаруй хүүхэд ЕБС-д суралцах юм байна.

Эх сурвалж: БШУЯ