Олула ТомЁ сургууль нь TomYo брэндийн хоёрдох сургууль бөгөөд менежмент болон хөтөлбөрийг ТомЁ Эдүкэйшн хэрэгжүүлэх юм. Энэхүү ажлыг гардан гүйцэтгэхээр Олула сургуулийн шинэ гүйцэтгэх захирлаар М.Заяа томилогдлоо.

- Хоёрхон жилийн хугацаанд хоёр дахь салбараа аль хэдийн нээж буй ТомЁ-ийн гэр бүлд хэрхэн нэгдсэн талаар яриагаа эхлэх үү?
- ТомЁ эдүкэйшний үүсгэн байгуулагч Баярсайханы боловсролын салбарыг харж буй алсын хараа, үнэт зүйл миний энэ салбарт ажилласан туршлага бас хийж хэрэгжүүлэхийг хүсдэг хүсэлтэй маань огтлолцсон гэх үү дээ. Баг хамт олон маань үнэхээр мэргэжлийн бас хурдтай, судалгаа суурь маш сайтай, энэ салбараа гүн ойлгож хийх шаардлагатай ажлынхаа голыг харсан санагдсан тул эргэлзээгүйгээр шинэчлэл рүү зорьж нэгдсэн.

- Ажлын туршлагаасаа хуваалцвал?
- Би үйлдвэрлэлийн менежмент гэдэг мэргэжлээр анх төгссөн ч хожим цэцэрлэгийн багшаар сурч давхар мэргэжилтэй болсон. Их сургуулиа дөнгөж төгсөөд Мобиком, Оюу Толгойн төсөл зэрэг томоохон байгууллагуудад ажиллаж байсан яг боловсролын салбартаа нийт 10 гаруй жил ажилласан байна. Анх Раффлес олон улсын институтэд боловсролын зөвлөхөөр ажилласнаар боловсрол, сургууль руу эргэлт буцалтгүй орсон. Сүүлийн 8 жилд И Эс Эм олон улсын сургуульд хүний нөөцөөс эхлэн, бага сургууль цэцэрлэгийн эрхлэгч болон гадаадын их дээд сургуулийн суурь боловсролын тусгай хөтөлбөрийг хэрэгжүүлэгч шинээр үүсгэсэн Лаусон Хилл институтыг тус тус хариуцан ажиллаж байсан.

Гадаад хэл, англи хэл, математик логик сэтгэлгээ, мэдээллийн технологи, хувь хүний хүмүүжил төлөвшил хандлага, ажил амьдралд хэрэгтэй зөөлөн ур чадвар, мэргэжил болон сургууль сонголтын зөвлөгөө чиглүүлэг зэргийг эерэг сургалтын арга барилаар сурагчдад өгөх нь бидний зорилго болоод байна.

- Ажиллаж буй талбартаа хийхийг хүссэн зорилго?
- Сүүлийн үед бүтээмж өндөртэй байгууллагууд хүний нөөц буюу ажилчдадаа ур чадвар, гадаад хэлний, техник технологийн маш их сургалт өгч судалгааны ажил хийж цаг хөрөнгө зарцуулдаг болсон энэ нь мэдээж мэргэжлийн ажилтай холбоотой бол сайн ч зарим нэгэн ур чадвар мэдлэг нь их дээд сургууль ч биш бүр дунд, ахлах ангидаа сурч эзэмшээд хэрэгжүүлдэг болсон байвал зохих мэдлэг, зөөлөн ур чадварууд ч байдаг. Иймд мэдээж эх хэлний өндөр мэдлэг үүн дээр нэмэгдээд гадаад хэл тэр дундаа англи хэл, математик логик сэтгэлгээ, мэдээллийн технологи, хувь хүний хүмүүжил төлөвшил хандлага, ажил амьдралд хэрэгтэй зөөлөн ур чадвар, мэргэжил болон сургууль сонголтын зөвлөгөө чиглүүлэг зэргийг эерэг сургалтын арга барилаар сурагчдад өгч Монгол улсын ирээдүйг авч явах иргэнийг бэлтгэх, боловсрол олгох нь бидний зорилго болоод байна.

- Олула ТомЁ салбарын онцлог юу вэ?
- Хамгийн чухал нь мэдээж ТомЁ эдүкэйшний олон жил судалж боловсруулсан хос хэлтэн, мэдээллийн технологи, төсөл суурьтай сургалт, хувь хүний хүмүүжил төлөвшил, менторшип, карьер зөвлөгөө, олон төрлийн хөгжүүлэх сургалт гэсэн 6 онцлогийг шингээсэн хөтөлбөр, үүн дээр хотын төвийн завгүй бүс буюу их сургуулийн гудамжинд байрлах байршил мөн багш ажилтнуудыг тасралтгүй хөгжүүлэн дэмжин зөвлөх ТомЁ-н арга барил, ажиллаж суралцах ая таатай боломж эрүүл орчин гэж хэлнэ.

Олула сургууль маань нийт 500 гаруй сурагч элсүүлж 70 гаруй багш ажилчидтайгаар  2023-2024 оны хичээлийн шинэ жилээ угтахаар төлөвлөн бүртгэл, гарааны сорилуудаа зохион байгуулаад шинэ сургуулийн бэлтгэл ажлууд ид өрнөж байна.

- Олула ТомЁ сургуульд хэрхэн бүртгүүлж элсэн суралцах вэ?
- Манай сургуулийн www.olula.mn вэбсайтаар орж онлайн формоор бөглөнө. Дараагийн алхам болох гарааны сорил Англи хэл, Монгол хэл, Математик гэсэн хичээлүүдээр өгнө. Эдгээр болон бусад зааварчилгааны мэдээллүүд бүртгүүлсэн мэйлээр тухай бүрд илгээж бүртгэлийн явцыг чиглүүлээд явдаг. Мөн 77020606 дугаараас дэлгэрэнгүй мэдээлэл авахаас гадна Сүхбаатар дүүргийн 11-р хороололд байрлах сургуулийн байранд ирж танилцан мэдээлэл авах боломжтой. 

Гүйцэтгэх захирлын тухай

М.Заяа нь боловсролын салбараар өөрийн карьераа эхлүүлэн өнөөдрийг хүртэл салбартаа 10 гаруй жилийн турш тасралтгүй сэтгэл зүрхээ зориулан, Монголын ирээдүй болсон хүүхэд залуусын сурч хөгжих, дэлхийн иргэн болох мөрөөдлийг нь биелүүлэхээр ажиллаж байна.

Товч намтар

2008- 2009 Мобиком Телемаркетинг

2009-2011 Раффлес Институт Боловсролын зөвлөх

2011-2013 Оюу толгойн гүний уурхайн төсөлд Орчуулагч

2015-2018 И Эс Эм олон улсын дунд сургууль Нарийн бичиг, Хүний нөөцийн менежер

2018-2021 И Эс Эм олон улсын дунд сургууль Бага сургуулийн эрхлэгч

2018-2023 И Эс Эм цэцэрлэг болон Лаусон Хилл Институтийн эрхлэгч