Муу явдаг машин гэж байдаггүй харин муу жолооддог жолооч гэж байдаг. Шөнө машин барих тэр дундаа маш хэцүү ба аваар осол гарах нь хүртэл их байдаг. Энэ нь гэрэл муутай ба өнгө ялгах чадвар мууддаг зэргээс болдог байна.

Тэгвэл одоо өгөх зөвлөгөө танд харанхуй болсон байхад хэрхэн машин барих талаар хэрэгтэй зөвлөгөөг өгөх болно.

1.Та орой бүрэнхий болохоос өмнө машиныхаа гэрлийг асаах хэрэгтэй ба өглөө гэгээ цайхаас өмнө машин харагддаг болох хүртэл гэрлээ асаах хэрэгтэй байдаг.

2.Шөнө юм сайн харахын тулд урд талынхаа цонхыг сайтар арчих хэрэгтэй.

3.Мэдээж согтууруулах ундаа хэрэглэсэн үед машин унаж болохгүй. Ганц шил шар айраг танд нөлөөлөхгүй байгаа ч энэ нь таны нойрыг маш их хүргэдэг. Нойр хүрнэ гэдэг осол гарах том шалтгаан болдог.

4.Амралтын өдрүүд болон баасан гаригийн орой машин барихдаа илүү болгоомжтой байх хэрэгтэй. Яагаад гэвэл ихэнх согтуугаас болсон осол аваарууд энэ өдөр гарсан байдаг.

5.Орой машин барихдаа та урдах машинаасаа зайгаа сайн барьж аль болох хол явах хэрэгтэй. Шөнө өмнөх машин болон таны машин хоёрын хоорондын зайг хэмжихэд маш хэцүү байдаг.

6.Монголчууд ихэнхдээ ойрын гэрэл болон холын гэрлээ тохируулах дүрмийг сайн мэддэггүй ба хэрэгжүүлдэггүй учир урдаас ирж буй машинд хүндрэл учруулснаар осол их гардаг. Тиймээс та энэ байдлаас өөрийгөө аврахын тулд та замын баруун захад нүдээ төвлөрүүлж явах хэрэгтэй. Мөн урд тань ямар ч машин байхгүй тохиолдолд та холын гэрлээ тавьж явааарай. Энэ нь танд зам болон орчныг харах сайн нөхцөл бүрдүүлж өгөх болно.

7.Хөдөө газар харанхуйд явж байхад даваа давах үед их аюултай байдаг. Яагаад гэвэл машин гэнэт давааны цаанаас гарч ирдэг учир та даваа руу дөхөж явахдаа машины гэрэл цаанаас тусаж байгаа эсэхэд сайн анхаарал хандуулах хэрэгтэй.

8.Хэрвээ нүд тань ядарч чилсэн байх юм бол шууд зогсоод нүдээ хэсэг минут амраах хэрэгтэй.

9.Хэрвээ шөнө таны машин эвдрэх юм бол аль болох хурднаар замаас гарч, замыг чөлөөлж өгөх хэрэгтэй. Мөн хамгийн гол нь аваарын гэрлээ асаахаа мартав аа.

10 Мөн та хэрвээ хараа муутай бол машин барина гэдэг маш хэцүү . Тиймээс хэрвээ та анх удаа машин барьж байгаа бол эхлээд  хараагаа шалгуулах хэрэгтэй. Эс тэгвээс та осолд орж мэднэ.

11.Мөн шөнө орой болсон үед машин цөөхөн болоход хүмүүс хурдан давхих нь бий. Үүнээс татгалзаарай. Таньтай адил хэн нэгэн бас хурдтай давхиж байж болох юм.

12.Мөн та шөнө орой явахаар шийдсэн бол хэн нэгнээр гэрлүүдээ шалгуулчих хэрэгтэй. Зөв, ямар ч асуудалгүй ажиллаж байгаа эсэхийг нь шалгах хэрэгтэй.

13.Шөнө машин барихдаа ямар нэг нарны шил зүүж болохгүй.

14.Ямар ч тохиолдолд аюулгүй машин барих арга бол бага хурдтай явах юм. Хэрвээ та хурдтай явж байвал хэн нэгэн эсвэл машин гарч ирэх аваас та амжиж зогсож чадахгүй юм.

15.Та хэдий анхааралтай, зөв жолоодож байвч аюулгүй байна гэсэн үг биш. Яагаад гэвэл хэн нэгэн хариуцлагагүй хүн бас машин барьж байж болно. Иймээс ямар ч тохиолдолд анхаарал сэрэмжтэй байх хэрэгтэй.

Stop.mn