Баян-Өлгий аймгийн Өлгий-Алма-Атагийн шалган нэвтрүүлэх боомтоор энэ сарын 24-ний өдөр Ж.Шокан гэгч нь их хэмжээний хуурамч бичиг баримт гаргах гэж байгаад баригджээ. Тэрбээр Казакстан улс руу зорьчих үедээ биедээ хуурамч бичиг баримт авч явсныг тус боомтын хилчин шалгагч илрүүлсэн байна.

Ж.Шоканыг шалгахад явцад гадаад паспорт тав, хүүхдийн хавсралт 11, тэтгэврийн дэвтэр нэг, төрсний гэрчилгээ арав, бэлтгэл офицерийн үнэмлэх нэг, НАХЯ-ны сайдын тушаал нэг, албан хаагчийн бүртгэлийн карт нэг, тодорхойлолт дөрөв, нийгмийн халамжийн хэлтсийн хуурамч тодорхойлолт нэг ширхэг илэрчээ. Дээрх этгээдэд тус аймгийн Цагдаагийн хэлтэс хэрэг үүсгэн шалгаж эхэлсэн байна.

А.Лхагва