Зарим төрлийн ногоо ямар ач тустай болохыг хүргэж байна.

Цэцэгт байцай: С, K, B1, B2, B3, B6, A, E амин дэмүүд, манган, фолийн хүчил, кальци, төмөр, магни, фосфор, кали, натри, цайр зэрэг эрдэс бодис агуулдаг. Биеийн дархлааг дэмжин, хавраас сэргийлнэ.

Улаан лооль: A, C, B1, B2, K амин дэм болон кали, антиоксидант их хэмжээгээр агуулдаг. Тогтмол хэрэглэвэл цус багадах, зүрх өвдөхөөс сэргийлж, уушги, ходоод, улаан хоолой, гэдэсний өвчлөлийг бууруулна.

Байцай: Бөөрөнхий байцайнд C, B, PP амин дэм ус, сахар, уураг, эслэг агуулагддаг. Байцай нь холестриныг бууруулах, ходоод гэдэсний шархыг анагаах, судас нарийсахаас сэргийлдэг.

Өргөст хэмх: B1, B2, B3, B5, B6, C амин дэмүүд, фолийн хүчил, кальци, төмөр, магни, фосфор, кали агуулдаг. Өргөст хэмх нь холестриныг бууруулж хоолны шингэцийг сайжруулдаг.

Бууцай: С, А аминдэм болон иод, төмөр, кали, зэс, фолийн хүчил зэрэг эрдэс бодисоор баялаг. Бууцай нь хоол боловсруулах эрхтний хэвийн үйл ажиллагааг дэмжиж, хялгасан судсыг бэхжүүлж, цус харвахаас сэргийлдэг.

Амтат чинжүү: С аминдэмээр баялаг ногоо бол амтат чинжүү юм. Мөн В1, В2, В6, РР аминдэм, кальци, натри, иод, цинк, төмөр, фосфор зэрэг агуулдаг. С амин дэм нь кальци болон бусад эрдэс бодис биед шимэгдэхэд тусалдаг.

Хаш: А, В1, В12 амин дэм болон кали, фосфорын давс, фолийн хүчил агуулна. Тогтмол хэрэглэвэл тархины эсийг гэмтэхээс хамгаалдаг антиоксидант шинж чанартай. Цусан дахь холестрин багасгах, хорт хавдар үүсэхээс сэргийлнэ.