Гарт хамгийн эвтэйхэн хэмжээ. Apple компани iPhone 5 утсыг танилцуулж байхдаа, 4 инч гэдэг хүний гарт хамгийн тохиромжтой хэмжээ гэж зарлаж байв. Харин iPhone 6 утсыг танилцуулахдаа энэ уламжлалаа эвдсэн компани одоо дахин 4 инчийн хэмжээтэй утас танилцуулах гэж байна.

Олон нийтийн дунд “iPhone 6c” гэж нэрлэсэн албан ёсны нэршлээр “iPhone SE”/бүрэн батлагдаагүй/ загварыг Apple гуравдугаар сарын 22-ны өдөр танилцуулна гэж таамаглаж буй.

Доорх гэрэл зургаас үзэхэд хайрцагны дээр “iPhone SE” бичсэн энэ утас яах аргагүй iPhone 5s болон iPhone 6/6s бүтээгдэхүүнүүдийн загварын холимог болжээ.

Дугуйрсан төрх, TouchID зэрэг нь үүнийг батална. Таамаглаж буйгаар энэ утас А9 чиптэй, 1GB RAM-тай, 16 GВ болон 64 GB багтаамжийн сонголттой, 12 мегапикселийн камертай байх юм.

Өнгөний хувьд Саарал, мөнгөлөг, алтлаг гэсэн гурван сонголттой бөгөөд ягаан алтан хувилбар ч байхыг үгүйсгэхгүй. Харин үнэ нь 450-500 ам. доллар байна гэж таамаглаж байгаа юм.

Ийм шийдвэр гаргасан байж болох хамгийн үнэнд ойр таамаг нь iPhone 5s утсыг зах зээлээс гаргахтай холбоотой. Учир нь худалдаанд гараад бараг гурван жилийн нүүрийг үзэж байгаа хэдий ч худалдан авагч байсаар байгаа болохоор компани шууд зах зээлээс татаж чадахгүй.

Харин оронд нь илүү сайжруулсан, гэхдээ хэмжээний хувьд ч, үнийн хувьд ч олон хүний хүсэлд нийцсэн тийм загвар гаргах шаардлагатай болсон юм.

Гэхдээ энэ утас худалдаанд гармагц iPhone 5s утсыг зах зээлээс татахгүй. Харин үнэ нь хоёр дахин буурч 225 ам. доллар болно гэжээ.

Эх сурвалж: PhoneArena