Эзэн богд Чингис хааны мэндэлсэн өдрийг жил бүрийн өвлийн тэргүүн сарын шинийн 1-нд тэмдэглэж байхаар УИХ хуульчилсан. Түүнчлэн энэ өдрийг Монгол бахархлын өдрөөр зарласан юм.

Тиймээс Их хааны мэндэлсэн өдөр ирэх сарын 4-нд тохиож буй. Тиймээс энэ өдрийг хэрхэн тэмдэглэж өнгөрүүлэх талаарх мэдээллийг хүргэж байна. Тодруулбал, Монгол Улсын төрийн дээд шагнал, тэргүүн зэргийн “Чингис хаан” одонг гардуулах ёслол морин цагт Төрийн ёслол хүндэтгэлийн өргөөнд болох аж. Мөн чансаа өндөр 128 бөхийн барилдаан Бөхийн өргөөнд болох юм байна. Дараах арга хэмжээ тухайн өдөр болох ажээ.  

Чингис хааны мэндэлсэн өдөр болох үйл ажиллагаа  

- 10.00 цагт   Монгол Улсын Төрийн далбаа мандуулах ёслол (Чингис хааны талбай)

- 10.10 цагт   “Эртний монгол”, “Эзэнт гүрэн”, “Өнөөгийн Монгол” сэдэвт монгол үндэсний хувцасны загварын үзүүлэх тоглолт (Чингис хааны талбай)
- 10.40 цагт     Төрийн туг, Есөн хөлт Их цагаан сүлдийг  цэнгүүлэх ёслол (Чингис хааны талбай)
- 11.40 цагт  Монгол Улсын төрийн дээд шагнал, тэргүүн зэргийн “Чингис хаан” одон гардуулах ёслолын ажиллагаа (Төрийн ордон, Ёслол хүндэтгэлийн өргөө)
- 12.30 цагт    Төрийн тугийг Чингис хааны хөшөөний өмнө байрлуулна
- 12.40 цагт     Эзэн богд Чингис хааны хөшөөнд төрийн өндөр албан тушаалтан, ард иргэд хүндэтгэл үзүүлнэ
- 12.50 цагт    Төрийн тулганы гал бадраах ёслол (Төрийн ордон Төрийн тулганы өргөө гэр)
- 14.00 цагт    Чансаа өндөр 128 бөхийн барилдаан (Бөхийн өргөө)
- 17.40 цагт  Төрийн далбаа буулгах ёслол (Чингис хааны талбайд)

Б.Яруу /www.mminfo.mn/