Мансууруулах төрлийн бодис хилээр гарган зөөвөрлөж, бусдад худалдаалахыг завдсан хэрэгт буруутгагдсан С.Наранбаатар, Ч.Эрдэнэбаатар, Э.Гоомарал, Э.Оюун, О.Навчаа, Хятад улсын иргэн Вонг Син Ян, Р.Лена нарт холбогдох хэргийн шүүх хурал өнгөрсөн нэгдүгээр сард болж өнгөрсөн.

Тэдний хамсаатан гэх хоёр иргэнд холбогдох хэргийг цагаатгаж, бусдыг нь чанга дэглэмтэй хорих ангид 10-15 жил хорих ялаар шийтгэсэн.

Яллагдагсад шүүхийн шийдвэрийг эсэргүүцэж, давж заалдах шатны шүүхэд гомдлоо гаргасан ч анхан шатны шүүхийн шийдвэрийг нь хэвээр үлдээжээ.

Тиймээс тэд Дээд шүүхэд хандсан байна. Тэдний гомдлыг хүлээн авсан бөгөөд шүүх хурал энэ 21 -нд товлогджээ.