Улаанбаатар хотын соёлыг сурталчилах, орчин үеийн чөлөөт бүжгийн урлагийг дэмжих, түгээн дэлгэрүүлэх, чөлөөт бүжгийн хамтлагуудыг нийтэд таниулах зорилготой Монголын анхны орчин үеийн чөлөөт бүжгийн наадам “UB Dance festival” зургадугаар сарын 26-нд болно.

“Найрсаг Улаанбаатар” хөтөлбөрийн хүрээнд зохион байгуулж буй уг наадам 19.00 цагаас Чингисийн талбайд болох юм.

Уг наадамд орчин үеийн чөлөөт бүжгийн төрөл болох рэп бүжиг, хип хоп бүжиг, брэк бүжиг, гудамжны бүжиг, электро бүжгийн төрлүүдээр бүх насны бүжгийн хамтлагууд оролцож болох бөгөөд урьдчилсан шалгаруулалтаас 2-20 хүний бүрэлдэхүүнтэй нийт 20 баг шалгарна.

Тэмцээний шагналын сан 13 сая төгрөг бөгөөд наадмын хүрээнд чөлөөт бүжиг сонирхогч хүүхэд залуучууд болон жуулчдын дунд хөгжөөнт тоглоом тэмцээн уралдаан болно.

Наадмын үеэр

• Монголын орчин үеийн чөлөөт бүжгийн бүх урсгал, бүжгийн бүх хамтлагууд нэг тайзнаа халз тулаан,
• Шилдэг бүжигчдийн нэгийн эсрэг нэг бүжгийн тулаан,
• Олон нийтийг хамарсан Флаш моб бүжиг,
• Чөлөөт бүжгийн фото зургийн түүхийг харуулсан майхан,
• Бүжгийн сургуулиудын танилцуулга,
• Хамтлаг дуучид, ДЖ тоглолт,
• Экстрим холбооны үзүүлэх тоглолт зэрэг болох юм байна.

Та дэлгэрэнгүй мэдээллийг ЭНД дарж “UB Dance festival 2015” наадмын фэйсбүүк хуудаснаас авна уу.