Тайваны технологийн компани болох HTC өөрсдийн анхны зүүдэг технологио танилцуулахад бэлэн болжээ. Тэд ирэх гуравдугаар сард болох Дэлхийн хөдөлгөөнт технологийн чуулга дээр шинэхэн ухаалаг цаг болон M9 загварын утсаа танилцуулна гэж Bloomberg мэдээллээ.

M9 утас: 20 мегапикселийн үндсэн камер, Qualcomm-ын найман цөмт Snapdragon 810 процессортой 

Өнгөрсөн онд худалдаанд гарсан HTC One M8 утасны дараагийн загвар нь 20 мегапикселийн үндсэн камер, Qualcomm-ын найман цөмт Snapdragon 810 процессор болон нүүрэн талдаа сайжруулсан UltraPixel камертай байх аж.

20 мегапикселийн үндсэн камер, Qualcomm-ын найман цөмт Snapdragon 810 процессор 

Түүнчлэн HTC-ийн өөрсдийн хөгжүүлдэг Sense хэрэглэгчийн харилцах хэсгийн хамгийн сүүлийн хувилбарыг суурилуулах болов уу гэж таамаглаж байна. Технологийн аваргууд өөрсдийн зүүдэг технологийг танилцуулаад нэлээд хугацаа өнгөрсөн учир олон жилийн туршлагатай HTC хэзээ нэгийг худалдаанд гаргах бол гэсэн хүлээлт байсан билээ.

Гэвч Bloomberg ухаалаг цагны тухай өөр дорвитой мэдээлэл өгсөнгүй. Гэхдээ нэг зүйлийг сануулахад Record гэх аппликейшн хөгжүүлдэг Armour компани энэ сарын эхээр HTC-тэй хамтран ажиллахаар болсон юм.

Ерөнхийдөө Record аппликейшн нь iOS-д суурилсан Health-тэй адил хэрэглэгчийнхээ хөдөлгөөний идэвхийг тэмдэглэдэг. Тиймээс HTC-ийн танилцуулах бүтээгдэхүүн зүрхний хэмнэл мэдэрдэг, даралт хэмждэг зэргийн чадвартай фитнесс бугуйвч байх магадлал өндөртэй.

Анх 2014 онд HTC өөрсдийн ухаалаг цагийг танилцуулах тухай яриа гарч байсан ч компанийн захирлууд төхөөрөмж хараахан бэлэн болоогүй учир хойшлуулсан билээ.  Одоогоор шинэ хоёр төхөөрөмжийн үнэ тодорхойгүй байгаа бөгөөд Samsung, Apple зэрэг томоохон өрсөлдөгчтэй тэд одоо л нэг хүчээ авч байна.