Цагдаагийн ерөнхий газрын даргын зөвлөл өнгөрсөн мягмар гаригт хуралдаж тус газрын Тамгын хэлтсийн даргаар хурандаа С.Отгонбаатарыг томилох шийдвэр гаргалаа. Тэрбээр Хан-Уул дүүргийн цагдаагийн хэлтсийн даргын албыг хашиж байсан юм. С.Отгонбаатарын оронд ЗЦГ-ын Тамгын хэлтсийн даргаар ажиллаж байсан, хурандаа Т.Батбаярыг, түүний оронд Чингэлтэй дүүргийн Замын цагдаагийн тасгийн дарга, дэд хурандаа Г.Оюунбаатарыг тус тус томилсон байна. Г.Оюунбаатарын оронд ЗЦГ- ын Замын зохион байгуулалтын тасгийн дарга, дэд хурандаа О.Батжаргал томилогджээ.

Мөн хэсэг хугацаанд эзэнгүй байсан Нийслэлийн цагдаагийи газрын Олон нийтийн харилцааны хэлтсийн даргын албан тушаалд Говьсүмбэр аймгийн цагдаагийн хэлтсийн даргаар ажиллаж байсан хурандаа Ч.Ганболдыг томилсон аж. Түүний оронд Завхан аймгийн цагдаагийн газрын даргаар ажиллаж байсан хурандаа Т.Мягмарсүрэн ажиллахаар болов.

Г.Цолмон