Нийгмийн эрүүл мэндийн үндэсний төвөөс нярай хүүхдийн гэдэс дүүрэхэд хэрхэн иллэг хийх талаар дараах зөвлөгөөг хүргэлээ.

1. Гараа халаагаад цагийн зүүний дагуу хүүхдийн хүйсийг тойруулж аажмаар зөөлөн илээрэй
2. Эрхий хуруугаа хүүхдийн хэвлий хэсэгт байрлуулж гадагш зөөлөн илнэ.
3. Баруун доод хэсгээс дээш, дараа нь хавирганы нуман доогуур хөндлөн, тэгээд зүүн талаас доош чиглэсэн зөөлөн иллэг хийнэ.

Хүүхдэд иллэг хийхийн ач тус:

• Хоол тэжээлийг нь сайн шингээж, өсөлт хөгжлийг нь түргэсгэнэ.
• Цусан хангамж, амьсгалын багтаамжийг хөгжүүлнэ, гэдсэнд дүүрсэн хийг тараана.
• Халдварт өвчнөөс урьдчилан сэргийлнэ.
• Сайхан ааштай байлгаж, амархан тайвширдаг болно. Амар тайван унтахад нь нөлөөлнө.
• Гэр бүл, хүүхэд хоорондын харилцан бие биеэ танихад тус дэм болдог.
• Оюун ухаан бие бялдрын хөгжил сайжирна.
• Бусадтай амархан зохицон нийгэмшинэ.
• Хоолны шингэц сайжирна.