Модон могой жил хаяанд ирлээ. Уламжлал болсон сар шинийн баяртаа зориулан монголчууд бид таван тансаг идээнийхээ дээжээс ширээндээ тавьж, ирсэн зочид гийчдийн гарыг цайлгадаг.

Сүүлийн жилүүдэд үндэсний үйлдвэрлэлээ дэмжих хандлага хэрэглэгчдийн дунд ихээхэн нэмэгдлээ. Энэ хүрээнд АПУ компаниас өөрсдийн бүтээгдэхүүнийг багц болгон үйлдвэрийн үнээр худалдаалж байна.
Тухайлбал Монголын хамгийн анхны сүүн шимийн архи болох “Шигүдэри” брэндийн архи, Mont-Yak брэндийн ааруул, аарцан амттан, хайлмаг, шар тосноос бүрдсэн хоёр төрлийн багцаас сонгон худалдан авах боломжтой.

Хэрэглэгч та бүхэн үндэсний үйлдвэрлэлээ дэмжиж, 100 хувь байгалийн гаралтай бүтээгдэхүүнийг баярын ширээндээ тавьж, зочдоо дайлах бол Шангри-Ла худалдааны төвийн нэг давхарт байрлах бүүтээр зочлоорой. Хоёрдугаар сарын 20-26-ны өдрийг дуустал үргэлжилнэ.
Бүүтээр зочлох хэрэглэгчид ааруул, аарцан амттан болон “Honin nuga” брэндийн бяслагуудаас амталж үзээд худалдан авалт хийх боломжтой.

Брэндүүдийн тухай товч танилцуулбал,

Шигүдэри: Монгол үнээний сүүг исгэж нэрсэн бөгөөд дусал ч хэрэглээний ус ороогүй байгалийн цэвэр бүтээгдэхүүн. Хугацаа уртасгах болон амт, үнэр оруулах нэмэлт бодисгүй. Хэрэглэгчид баяр наадмын үеэр хүндтэй зочдодоо бэлэглэх, эмчилгээний зориулалтаар ашиглах хандлага их байдаг.
Mont-Yak: АПУ Дэйри компани 2022 оноос Архангай аймгийн Чулуут сумын малчидтай хамтран “Монгол сарлаг” төслийг хэрэгжүүлж байна. Энэ хүрээнд сарлагийн сүүнээс дөрвөн төрлийн бүтээгдэхүүн гаргаж, хэрэглэгчдэд нийлүүлж буй.

Сарлаг нь 40 гаруй зүйлийн ховор, шимт ургамлаар идээшдэг тул энгийн үнээтэй харьцуулахад сүү нь 1.5-3 дахин их тослог болон амин дэм агуулдаг. Иймд эдгээр бүтээгдэхүүнийг хэрэглэснээр хүн өдөрт авах амин дэмийн хэрэглээгээ хангаж чадна.
Уламжлалт цагаан идээг орчин үеийн хэрэглээнд тохируулан өвөрмөц амттай хослуулан гаргажээ. Тухайлбал ааруулан амттаны хувьд алт, ойн жимс, цагаан гаа, маалингын үр, халгай зэрэг эрүүл мэндийн дэмжих онцгой орц найрлагатай. Аарц нь, лайм, карамел, энгийн, гүзээлзгэнэ гэсэн дөрвөн төрлийн амттай бол хайлмаг нь гурван төрлийн амттай.

Эдгээр бүтээгдэхүүн нь SFCS компаниас 100 хувийн "Органик хүнс" гэсэн гэрчилгээ авсан. Энэ бүтээгдэхүүн боловсруулах, үйлдвэрлэх, шошголох, худалдаалах бүхий л үе шатад органик хүнсний шаардлагыг ханган авдаг баримт бичиг юм.

Honin nuga: Гурван төрлийн бяслаг нь амин болон тосны хүчил, А, D, В12, К2 амин дэм, кальци, фосфор, кали, магни, цайр зэрэг хүний биед нэн чухал шимт бодисуудаар баялаг юм.
АПУ компани малчдаас авсан сүүгээр бяслаг үйлдвэрлэж, гарсан шар сүүнээс спирт гарган шимийн архиа бүтээдэг. Ингэснээр тэд ямар ч хаягдалгүй үйлдвэрлэл явуулж байна.

Гэрэл зургуудыг Т.Бархас