УИХ-ын дэд дарга, АН-ын гишүүн Б.Пүрэвдорж цаг үеийн асуудлаар сэтгүүлчдийн асуултад хариуллаа.

Тэрээр, "Үг хэллээ гэсний төлөө манай намыг хамтарсан ЗГ-аас хөөлөө. Дарга нарын өмнөөс үг хэлж болохгүй нам болгож хувиргах гэж байна. Үүнээс өмнө салсандаа их баяртай байна.

-Өнгөрсөн хугацаанд та хамтарсан ЗГ-ыг олон удаа шүүмжилж байсан. Таны энэ шүүмжлэл танай намыг засгаас хөөчихсөн үү. Та юу гэж бодож байна.

-Болохгүй, бүтэхгүйг шүүмжил гэж ард түмэн биднийг сонгосон. Тэр сонголтын дагуу л ажилласан. Би ард түмний сонголтоос гажих ёсгүй. Мэдээж дэмжиж байсан зөндөө ажлууд бий. Олон мега төслүүдэд дэмжиж үг хэлж, ЗГ-т оруулж ирсэн ажлуудыг дэмжиж санал өгч байсан.

Гэхдээ шүүмжлэл заавал байна. Манай АН-ыг сөрөг хүчнээ хий гэж ард түмэн өгсөн. Энэ суурин дээрээ буцаж ирсэндээ баяртай байна.

-Ерөнхий сайдын хүүгийн орлого нотлох асуудал танай намын асуудал болж хувирсан нь юутай холбоотой вэ. Магадгүй Ерөнхий сайдын хүүгийн тансаглалд танай нам хариуцлага хүлээх асуудал үүслээ гэж харагдаад байна. 

-Ерөнхий сайдын хүүгийн тансагласан хөрөнгийг та нар олж өгөөгүй биз гэж бүх сайдуудаасаа асуусан. Олж өгөөгүй ээ л гэж байна лээ" гэв.