ОХУ-ын Гадаад хэргийн сайд Сергей Лавров дайныг зогсоох нөхцөлийг багтаасан “энхийн санамж бичиг”-ийг бэлэн болгосноо мэдэгдлээ.

Оросын талаас уг санамж бичгийг ирэх даваа гарагт буюу зургаадугаар сарын 2-ны өдөр Истанбул хотноо Украины төлөөлөгчдөд танилцуулж, хэлэлцээ хийх хүсэлтэй байгаа гэв.

Лавровын мэдэгдэлд Украины талаас Оростой шууд яриа хэлэлцээ хийхэд бэлэн байгаагаа илэрхийлсэн ч үр дүнтэй уулзалт болгохын тулд энхийн нөхцөлийг урьдчилан танилцуулах шаардлагатай гэжээ.

Энэ талаар Украины Батлан хамгаалахын сайд Рустем Умеров “Бид Оросын төлөөлөгчидтэй дахин уулзахаас татгалзахгүй. Санамж бичгийг хүлээж байна.

Тэдэнд уулзалт хүртэл санамж бичгийг бидэнд илгээж танилцуулах дөрвөн хоногийн хугацаа байна” хэмээн мэдэгдсэн байна.

АНУ-ын ерөнхийлөгч Дональд Трамп энхийг хэлэлцээг яаралтай үр дүнд хүргэхийг шаардаж буй.

Энэ сарын 16-нд Орос, Украины талууд 2022 оны гуравдугаар сараас хойших анхны шууд уулзалтаа хийсэн ч гал зогсоох хэлэлцээрт хүрч чадаагүй юм. 

Лавров дээрх мэдэгдлийг гаргасныхаа дараа АНУ-ын Төрийн нарийн бичгийн дарга Марко Рубиод энэ талаараа мэдээлсэн гэв. 

Эх сурвалж: France24