УИХ-ын чуулган, Засгийн газрын хуралдаанд сар бүр тогтмол оролцож, нийт иргэдэд Монгол хүний эрхийн нөхцөл байдал, улс орны дотоод, гадаад байдлын нэн чухал асуудлаар мэдээлнэ.

Үндэсний боловсон хүчнээ бэлтгэхэд анхаарч, хүүхэд бүрийг хөгжүүлж, бүтээлч, шинжлэх ухаанч сэтгэлгээтэй, өөртөө итгэлтэй, Монгол орныхоо байгаль, түүх, үндэсний хэл соёл, уламжлалаараа бахархдаг, ёс суртахуунтай, зөв харилцаа, хандлагатай, хүнлэг сэтгэлтэй болгон хүмүүжил олгох “Зөв Монгол хүүхэд” хөтөлбөрийг дэмжинэ.

“Шенгений ханыг нураах” уриатайгаар ажиллаж, 2027 он гэхэд буюу 6 жилийн дараа Монгол Улсын иргэдийг Европын Холбооны гишүүн орнуудад визгүй зорчдог болох бодлого баримтлан ажиллана.

Зэвсэгт хүний жанжин штабын дэргэд цэргийн эрх, ашиг сонирхлыг хөндөж байгаа, зөрчиж байгаа аливаа өргөдөл, гомдлыг хүлээн авдаг, армийн сахилга хариуцлагыг сахиулах эрх бүхий цэргийн цагдаагийн албыг шинээр байгуулах санаачилгыг хэрэгжүүлнэ.

Улсын хөгжилд нөлөө үзүүлэх том төслүүдээ дэмжих, жижиг, дунд бизнесийг хөгжүүлэх, хөрөнгө оруулалтыг урамшуулах, хамгаалах бодлого баримтлан ажиллана.

Хамтын тэтгэврийн тухай хуулийн төслийг өргөн барьж, сонгогдсон, томилогдсон төрийн өндөр албан тушаалтан ёс зүйн зөрчил гаргасан бол олон нийтээс уучлал гуйх үүргийг хуульчилж, түүнийг огцруулах, чөлөөлөх хууль эрх зүйн үндэслэлийг тодорхой болгох бие даасан хуулийн төсөл өргөн барина.

Био аюулгүйн гуравдугаар зэрэглэлийн “лаборатори”-ийг ашиглалтад оруулж, цар тахал, шинэ вирусийн халдвараас урьдчилан сэргийлэх, оношлох, эмчлэх нөхцөлийг яаралтай бүрдүүлэх санаачилгыг гаргана.