Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Өрнийн зурхай
8-р сар
Энэ сарын эхээр ажил мэргэжилдээ амжилт олохын тулд түргэн өөрчлөгдөж байгаа гадаад нөхцөл байдалд дасаж зохицох хэрэгтэй. Таны ажлын ачаалал нэлээд их байх бололтой. Санхүүгийн байдал тийм ч тогтвортой бус байна. Орлого зарлагаа хяна. Ямар нэг тодорхой нөхцөл байдалд хэрэгцээтэй зүйлд л мөнгөө зарцуул. Санхүүгийн асуудал бага багаар шийдэгдэнэ. Гэр бүлийн асуудалд ойлголцол чухал. Таны ойр дотнын хүмүүс хайр халамжаар дутагдаж байна. Хэрүүл маргааныг бүү даамжруул. Хөнгөмсөг зан ихээр илрэх магадлалтай. Сарын дунд үед амжилт гаргах боломж байгаа ч өрсөлдөгч нарын явуулгаас болгоомжлохыг од эрхэс сануулж байна. Бага зэрэг түрэмгий байдал болон эрсдэлд дуртай байна. Энэ үед хөрөнгө мөнгөө түргэн эргэлдүүлэх сонирхол их байна. Ямар нэг шалтгаангүй таагүй харилцаа үүсэж магадгүй. Муу хүмүүсийн хов жив хэрүүл маргаанд хүргэж болзошгүй. Энэ нөхцөл байдлыг таны ухаалаг бөгөөд мэдрэмжтэй зан даван туулах болно. Үйл явдлыг удирдах чадвартай байна. Энэ ур чадвараа гаргахаас татгалзах хэрэггүй. Танд шинэ санал ирнэ. Таны нийгмийн идэвх өндөр байх бололтой. Уран бүтээлч хүмүүст авьяас чадвараа гаргах сайхан боломж олдоно. Сарын сүүл рүү ажлын ачаалал ихсэж хувийн амьдралдаа зориулах цаг зав бараг гарахгүй бололтой. Гэхдээ ажил дээр таны нэр хүнд дээшилнэ. Цагаан хэл амнаас болгоомжил. Гэнэтийн асуудлууд тулгарсан ч сандарч тэвдэх хэрэггүй. Бизнес эрхлэгч хүмүүсийг төөрөгдүүлж, хууран мэхлэх оролдлого гарч болзошгүй байна. Эрхэлдэг мэргэжлийн үйл ажиллагаанаас өөр эх үүсвэрээс мөнгө олох боломж гарна. Ойр дотнын хүмүүс тань хориглож байвч зарим хүмүүс хэт чөлөөт амьдралын хэв маягийг хүснэ. Эрүүл мэнддээ анхаар. Бусадтай хурц эмзэг сэдвээр ярилцахаас зайлсхий. Холоос зочид ирж магадгүй. Хайрын холбоонд удаан хадгалагдсан асуудал дэвэрнэ. Энэ үед хүүхдүүдтэйгээ харилцан ойлголцоход ээлтэй байх болно. Хичээл сурлагатай холбоотой үйл ажиллагаанд таатай байна.
8-р сар
Энэ сарын эхээр од эрхэс хий мухар сүсэгт автахгүйтэйгээр өөрийн дотоод итгэл үнэмшлийг зүг чиг болгохыг зөвлөж байна. Аливаа олон нийтийн арга хэмжээнд оролцох эсвэл спортын уралдаан тэмцээн зохиоход таатай байх бололтой. Ажлын стрессээ сайн тайлахгүй бол эрүүл мэнд муудаж болзошгүй. Гэр бүлийнхэнтэйгээ харилцан хүндэлсэн харилцаа бий болгоход анхаар. Хувийн амьдрал тань санаснаар болохгүй байж мэднэ. Таны хүүхдүүд тийм ч муу биш байгаа тул тэдэнд хэтэрхий өндөр шаардлага бүү тавь. Тэдэнд таны дэмжлэг хэрэгтэй байгааг мэдэр. Эрүүл мэндээ хамгаал. Хоол хүнсний чанар болон хооллох дэглэмдээ анхаарал тавь. Сарын дунд үед сэтгэл санааны тогтвортой, шийдэмгий байдлыг од эрхэс шагнана. Ажил хэргийн төвөгтэй маргаан хэлэлцүүлэгт бэлэн бай. Нөхцөл байдлыг өөрийн боломжоор хяналтдаа ав. Зарим зөрчилтэй харилцаанд түрүүлж буулт хийх хэрэгтэй байж магадгүй. Дэмжлэг авахын тулд албан ёсны дагуу хуулийн хүрээнд ажилла. Од эрхэс энэ үед зохион бүтээх болон эрдэм шинжилгээний ажлыг дэмжиж байна. Од эрхэс болон гараг улирлын байдал гадаад өнгө үзэмжид таатай нөлөөлнө. Сарын сүүл рүү нэгэн хэвийн уйтгартай ажил танд зохихгүй. Уйтгартай ажлыг та үр дүнтэй гүйцэтгэж ч чадахгүй. Ганц бие хүмүүс олон нийтийн үйл ажиллагаанд оролцвол хэн нэгэнтэй учрах магадлал өндөр байна. Харин тууштай тогтвортой харилцаа үүсэх эсэх нь эргэлзээтэй. Мэдлэг, мэргэжлээ ахиулахаар шармайж буй хүмүүс амжилттай байна. Үл хөдлөх хөрөнгөтэй холбоотой ажлаар муугүй орлого олох боломж байна. Багаар ажиллах чадвараа гаргавал гайхамшигтай амжилттай байх болно. Зөв хооллож байх шаардлагатай байна. Хэт өөх тостой, хурц хоол хүнсийг тааруулж хэрэглэ. Эрүүл агаарт гарч эрч хүчээ сэргээ. Од эрхсийн нөлөөг өөрийн амьдралын хэмнэлдээ зөв тусгаж ав.
8-р сар
Энэ сарын эхээр аливаа үйл ажиллагааг хамтын хүчин чармайлтаар зөв зохион байгуулбал олон зүйлийг бүтээж чадна. Таны үг үйлдэл олны анхааралд байх болно. Хэт биеэ тоох хэрэггүй. Худалдаа наймааны ажилд одтой байна. Гэхдээ зөв хүнтэй хамтрахгүй бол төдий л өндөр үр дүнд хүрнэ гэдэгт найдах хэрэггүй. Гэр орныхоо тав тухтай байдалд анхаарал хандуул. Сэтгэл хөдлөлөө дарахгүй бол эрүүл мэнд тавгүйтэж болзошгүй. Залуу хүмүүс хайртай хүндээ ихээхэн анхаарал хандуулж, өөрийгөө бүрэн зориулах хэрэгтэй бололтой. Дотоод мэдрэмж тань танд юуг хүлээн зөвшөөрөх, юунаас татгалзахыг хэлж өгнө. Сарын дунд үед гадаад нөхцөл байдлын өөрчлөлт нь энгийн иргэний санхүүгийн байдлыг муутгаж магадгүй. Ажлын хэмнэлээ та өөртөө тохируулан сонго. Сэтгэл санааны таагүй байдал, уриалгахан бус зангаас болж үл ойлголцол хүйтэн хөндий байдал бий болж болзошгүй. Эрүүл мэнд муудаж магадгүй. Шинэ ажил хэрэг бүү эхэл. Хуримтлагдсан ажлуудаа дуусга. Таныг гүтгэж гүжирдэж магадгүй тул хэрүүл маргаанаас зайлсхий. Эргэлзээ сэжиг бүхий хэлэлцээр, нууц далд арилжаа наймаанаас зайлсхий. Хайр дурлалын харьцаанд онцгой анхаарал хэрэгтэй болохыг од эрхэс зааж байна. Гэр бүлтэй хүмүүс хүлээсэн үүргээ сайн ойлгоно. Өөртөө шүүмжлэлтэй, ойр дотнынхондоо шударга хандаарай. Ганц бие хүмүүсийг сайхан хайр хүлээж байна. Мөрөөдлийн хүнтэйгээ санамсаргүй танилцана. Сарын сүүл рүү од эрхсийн нөлөөгөөр саруул ухаантай, алсын хараатай байна. Мөн зөн совин өндөр байх магадлалтай. Шударга үнэнч зангаар эрс шийдвэр гаргаж болзошгүй. Хэт их эрч хүч зарцуулснаас болоод ядаргаанд орж болзошгүй. Өндөр ачаалал туйлдуулсан бол ажлын хэмнэлээ хянаж тохируул. Олсон мэдээллээ ашиглан хуучин холбоогоо сэргээхэд тохиромжтой. Эрүүл мэндийн асуудлаа мэргэжлийн эмчид үзүүлж оношлуул. Хайр сэтгэлд тохиолдлын учралыг бүү аз жаргалд тооц. Танд гялалзсан хүсэл мэдрэмж төрөх боловч энэ удаа хайрын адал явдалд зориулах цаг хугацаа, эрч хүч байхгүй байна. Од эрхсийн нөлөө тийм ч ойлгомжтой биш үе тул илүү биеэ барьж, хэлэх үг үйлдлээ сайн анхаар.
8-р сар
Энэ сарын эхээр буруу шийдвэр гаргавал таагүй асуудлууд үүсэж хэрүүл маргаан гарч болзошгүй. Уур бухимдлаа аль болох ил гаргалгүй, амар тайван байхыг урьтал болго. Амьдралын хэв маягаа өөрчил. Оюун ухаан шаардсан ажил хөдөлмөрт сайн үе. Худалдаа арилжаанд болгоомжтой, хянамгай байх нь цаашдын санхүүгийн амжилтад чухал нөлөө үзүүлнэ. Буруу хүнд итгэж чухал нууцаа алдахаас болгоомжил. Хуурамч хялбар арга заль их байна. Мэдрэмж зөн совин тийм өндөр байж чадахгүй. Асуудалд энгийн эрүүл ухаанаар ханд. Зарим асуудлаар гэр бүлийнхээ өмнөөс хариуцлага хүлээх байдалд орж магадгүй. Хайртай хүнтэйгээ учраа ололцох асуудал гарна. Сарын дунд үед шинэ харьцаа тогтоох, найз нөхөрлөлийн харилцааг сайжруулах зэргийн аль алинд нь од эрхсийн байрлал тааламжтай нөлөөлөх болно. Та нөлөө бүхий хүмүүсийн сонирхлыг өөрийн төсөл төлөвлөгөөнд хандуулж чадна. Олны хүрээлэлд байхдаа сэтгэл хангалуун байна. Эрүү мэндээ анхаар. Хоолой өвдөж болзошгүй. Өвчин таны эрүүл мэнд төдийгүй сэтгэл санаанд таагүй нөлөөлөх болно. Залуу хосууд гэр бүл зохиох эсвэл шинэ өөр шинэ өөрчлөлт хийх шийдвэр гаргах магадлалтай. Хамаатан садан, гэр бүлийн хүмүүсийн харьцааг бэхжүүлэхэд анхаар. Гэр бүлийг хэмжээний уулзалт болон баяр ёслол зохион байгуул. Хамтдаа аяллын төлөвлөгөө гаргах нь таатай байна. Сарын сүүл рүү ажил хэргийн амжилтад өндөр зохион байгуулалт чухал нөлөөтэй гэдгийг од эрхэс зөвлөж байна. Төрийн үйлчилгээтэй холбоотой ажил төрлийн асуудлууд хүндрэлтэй байх болно. Хэрвээ боломжтой бол хүнд суртлаас аль болох зайлсхий. Од эрхсийн нөлөөгөөр бусдыг өөртөө татах, итгэн үнэмшүүлэх чадвар их байна. Танд мэргэжлийн авьяас тод илэрнэ. Чухал асуудал дээр шийдвэр гаргах шаардлага үүснэ. Санаа зовох асуудал буруу ташаа мэдээллээс болсон байх магадлалтай. Нөхцөл байдлыг урьдчилан мэдрэх чадвар хэрэг болно. Олон өрсөлдөгч байгаа бол ойрын үед анхааралтай бай. Дархлаа муудаж, амьсгалын систем өвдөж болзошгүй байна. Эрүүл агаарт гарахыг урьтал болго.
8-р сар
Энэ сарын эхээр ажил хэргийн таатай харьцаа тогтооно. Олон нийтийн үйл ажиллагаа явуулах болон ажлын айлчлал хийхэд таатай цаг үе. Од эрхсийн эерэг ба сөрөг хандлагууд адил тэнцүү байна. Нийгмийн хариуцлагатай ажил хийдэг хүмүүс ажил хэргийн өөрчлөлтөөс болж сэтгэл хөөрөлд автах магадлалтай. Уран бүтээлч хүмүүс үзэгчдэд өөрийгөө харуул. Олон нийтийн арга хэмжээнд оролцох юм бол таны нийгэм болон мэргэжлийн салбарт эзлэх байр суурь өснө. Эрүүл мэндээ анхаарч биеийн тамир, дасгал хөдөлгөөн тогтмол хийж сур. Хоолны дэглэм мөрдөх нь чухал үе. Байгалийн бус, химийн бодис ихээр агуулсан хүнсний бүтээгдэхүүнээс татгалз. Сарын дунд үед мөнгө санхүүгийн чадавхаа өсгөх үйл ажиллагаанд эерэг өөрчлөлтүүд гарна. Авьяас чадвараа ашиглан хариуцлагатай ажлыг өөр дээрээ ав. Од эрхэс хичээл зүтгэлтэй байгаа хүнд тусалж, ээдрээтэй асуудлаа шийдэх боломж өгнө. Улс төрийн салбарт болон удирдах түвшинд ажил эрхэлдэг хүмүүс амжилттай ажиллах болно. Мэргэжлийн ур чадвараа харуулахын тулд биеэ их дайчлах тул уулзалт, харилцаанд бүрэн татагдан орох болно. Хэлэх үгээ сайн хянахгүй бол ойр дотнын хүмүүсээ гомдоож мэднэ. Таныг амжилтад хүрэхэд хамт олон болон найз нөхөд туслах болно. Таатай гэнэтийн үйл явдлууд тохиолдох магадлалтай. Сарын сүүл рүү өрсөлдөгч нартайгаа хийсэн тэмцэлд ялалт байгуулж чадна. Гэхдээ ил гаргах ямар ч сэтгэлийн хөдөлгөөн хэрэггүй. Магтаал ирсэн ч өөртөө ихээхэн хариуцлага оногдож байгаа гэдгээ санаж явахыг од эрхэс зөвлөж байна. Санхүүгийн алдагдал хүлээж болзошгүй тул хэрэгцээгүй эд зүйл худалдан авах, найдваргүй зээл өгөх зэргээс зайлсхий. Дарга удирдлагуудтай зөрчилдөх шийдвэрт бүү оролц. Таны талаар буруу ойлголтыг зарим хүмүүст төрүүлэх аюул байна. Хөрөнгө оруулалт хийх хүмүүс гарах зарлагаа сайн тооцох хэрэгтэй болно. Танд учирсан ажил хэрэгтэй холбоотой хүндрэлүүд санхүүгийн байдалд тань нөлөөлөхгүй байх арга замыг ол. Томилолтоор болон арилжаа наймааны ажлаар гадаад улс руу аялах шаардлага гарах магадлалтай. Гадаадад суралцах хүсэлтэй хүмүүс таатай хариу авна.
8-р сар
Энэ сарын эхээр хуучны хамтран ажиллагсадтай холбоотой санхүүгийн таагүй үйл явдал тохиолдож болзошгүй. Идэвхгүй, үлбэгэр бүх зүйлд хайнга байдал ажиглагдана. Зарим хүмүүс итгэмтгий зангаа хянахгүй бол заль мэхэнд орж магадгүй. Үйл ажиллагаагаа өргөжүүлэх бол аливаа мэдээний эх сурвалжийг сайн шалгаж, нягтал. Байр сууц, эдлэн газраа засаж тохижуулахад тохиромжтой үе. Хэрвээ та сонголт хийхээр болбол ганцаараа шийдвэр бүү гарга. Танд тухайн асуудлаар мэдлэг сайтай мэргэжилтнүүдийн зөвлөгөө шаардлагатай болно. Хайртай хүнд тань дэмжлэг, анхаарал хэрэгтэй байна. Гэр бүл, эцэг эхдээ анхаарал тавихад тохиромжтой. Сарын дунд үед ажил дээрээ нэмэлт үүрэг даалгавар авахаас бүү ай. Ажлын цагийг ихээхэн үр бүтээлтэй ашигласнаар бүхнийг амжуулж, өөртөө шаардлагатай цаг завыг гаргаж чадна. Зарим үл ойлголцлын асуудал үүсгэж болох тул яаруу түргэн шийдвэр гаргах хэрэггүй байна. Энэ үед ажил хэргийн байдал болгоомжтой байж, анхны сэтгэгдэлдээ бүү итгэ гэж анхааруулж байна. Эрүүл мэндээ анхаар. Янз бүрийн халдварт өвчин тусч болзошгүй. Хувийн ариун цэвэр болон зөв зохион байгуулалтын дэглэмийг сайн сахь. Хайр дурлалын харилцаандаа нухацтай ханд. Бодлогогүй үг, үйлдэл хожим хор уршиг их тарина. Харилцаандаа үнэнч бай. Залуу хүмүүст гадаадад сурах эсвэл шинэ мэргэжил эзэмших боломж гарна. Од эрхсийн байрлал таны оюун санаанд сайнаар нөлөөлнө. Сарын сүүл рүү нэр хүндтэй хүмүүс олон нийтийн анхаарлын төвд байх болно. Сэжиг бүхий хүмүүсээс тусламж бүү гуй. Янз бүрийн буяны байгууллагатай холбоотой ажил хэрэг идэвхтэй байна. Өөрийн дадал туршлагаа хувийн амьдралын тодорхой асуудал шийдэх болон мэргэжлийн үйл ажиллагаанд үр бүтээл гаргах зэргийн аль алинд нь ашиглах боломжтой. Эргэн тойрныхондоо сэтгэл татам харагдах хэрэгтэй болно. Гадаад төрхдөө анхаарал тавь. Өөрийн удирдан зохион байгуулах авьяасаа харуулж, чадварлаг алсын хараатай болохоо мэдрүүл. Өмнө гүйцэтгэсэн ажлууд муугүй ашиг авчирч, санхүүгийн тогтвортой байдлыг эхлүүлнэ.
8-р сар
Энэ сарын эхээр ашигтай мэдээллийг зөв ашиглавал удахгүй алдар нэр дээшлэх магадлалтай. Шаардлагатай дэмжлэг хүлээн авахаас татгалзахгүй бол ажил дээр чинь нааштай өөрчлөлт гарах боломжтой байна. Хөрөнгө оруулалт хийх бол онцгой анхаарал тавь. Хамгийн гол нь өөрийн эрх ашгийг хамгаалах заалтыг гэрээнд оруулах шаардлагатай. Өмнөх өр зээлээ хугацаанд нь төлж барагдуул. Ажил мэргэжил дээрээ хүч чармайлт гаргаснаар албан тушаал ахих, байр сууриа бэхжүүлэх боломж таны өмнө нээгдэж байна. Сарын дунд үед олон нийтийг хамарсан ажилд оролцвол юу хийж чадахаа харуулах болно. Хэрэв та нийгмийн зөрчилдөөнтэй асуудал, шударга бус харилцааг зохицуулах ажилд оролцох юм бол төлөвлөгөөгөө хэрэгжүүлж чадна. Санхүүгийн хүндрэл тохиовол бусдаас тусламж авах хэрэгтэй байх. Бусдын зөвлөгөөг сонсохгүй бол түргэдэх магадлалтай. Өдөөн хатгалгад бүү авт. Ажил хэрэгт худал хуурмаг, үл зохицох асуудал гарвал хариу шийдвэртэй арга хэмжээг нэн даруй ав. Гэхдээ од эрхэс олон ажил зэрэг хөөцөлдөх идэвхтэй үйл ажиллагаагаа бага зэрэг сулруулахыг зөвлөж байна. Ганц бие хүмүүс амьдралынхаа ханьтай учрах бололтой. Гэр бүл, эрүүл мэнддээ анхаарлаа хандуул. Гэр бүлийн дотно сайхан харилцааг халамжгүй байдал болон хий хардалт эвдэнэ. Залуу хүмүүсийн хувьд амжилт гаргах таатай нөхцөл бүрдэж байна. Сурч мэдэх хүслийг од эрхэс ивээнэ. Сарын сүүл рүү өөртөө итгэлгүй, эргэлзээтэй нөхцөл үүсвэл байдлыг бодитоор дүгнэж чадахгүй тул үл биелэх мөрөөдөлд автах магадлалтай. Шинэ хүмүүстэй танилцах нь эрч хүч, урам зоригоор тэтгэх болно. Нэмэгдэл орлогын эх үүсвэр олох болон шинэлэг үйл ажиллагааны төрөл судлах зэрэг үйл ажиллагаа амжилттай болно. Ойр дотнын хүмүүсийн тусламж таны сэтгэл санааг өөдрөг болгоно. Таны хайр сэтгэлийн харилцаанд бүх зүйл бүтэмжтэй байна. Таны мэргэжлийн ур чадварыг хүмүүс зохих ёсоор үнэлэх болно. Та шургуу ажилласан хөдөлмөрийн үр дүнгээрээ хэрэгцээ шаардлагаа хангах боломжтой болно. Атаархуу хүмүүсийн явуулга ажил хэрэгт таагүй нөлөөлж эхэлнэ. Хариу арга хэмжээг далайцтай явуулах нь тохиромжтой. Худалдаа наймаа хийхдээ болгоомжтой бай. Үнэтэй эд зүйлийг сайн шалгаж авахгүй бол мөнгөө дэмий үрэх магадлалтай байна.
8-р сар
Энэ сарын эхээр од эрхсийн нөлөө таны биеийн болон оюун санааны бат бөхийг шалгах бололтой. Чухал ажлуудаас алийг нь сонгохоо та эргэлзэнэ. Хоёрдмол хандлагаас болж зөрчил үүснэ. Зарим үед хайхралгүй орхисон үнэт зүйлээ эргэн сэргээ. Үнэнч шударга зан танд нэр хүнд авч ирнэ. Ямар нэг ажилд оролцож байгаа бол үр дүнг нь үзэлгүй бүү орхи. Гэхдээ сэтгэл хөдлөлөө барьж чадалгүй таагүй байдалд орж болзошгүйг анхаар. Зарим жижиг зүйлийг хараагүй мэт байвал та сайхан сэтгэлтэй нэгэн болж хүндлэгдэнэ. Сарын дунд үед ачааллаа зөв хуваарилахыг хичээ. Хэтэрхий яарсан шийдвэр бүү гарга. Биеэ барихгүй бол бодлогогүй алхам хийх магадлалтай байна. Төрийн нэр барьсан хүмүүстэй бүү харьц. Харин ойр дотнын хүмүүс болон хамт ажиллагсадтайгаа хувийн харьцаагаа сайжруулах хэрэгтэй бололтой. Онцгой нөхцөл байдалд ажиллах хэрэгтэй болох бөгөөд хөдөлмөрийг тань хүмүүс зохих ёсоор үнэлэх болно. Та зарцуулсан хүчин чармайлтдаа тохирох хөлс авах гэрээ байгуул. Та биеэ барьж чадахгүй бол хөрөнгө мөнгө алдаж магадгүй. Шаардлагагүй үнэтэй худалдан авалтаас эрс татгалз. Зөрчилтэй нөхцөл байдлаас гарахдаа дипломат арга зам сонго. Хайртай хүндээ хэт өндөр шаардлага тавьж болохгүй. Сарын сүүл рүү хариуцсан ажил дээрээ мэргэжлийн ур чадвараа зохих ёсоор нь үнэлүүлэхийг хичээ. Урьдын гаргасан хүчин чармайлт тань хамт олны зүгээс үнэлэгдэж алдар нэр болон амжилт олох боломж гарна. Гадаад төрх сэтгэл булаам байх бөгөөд хайрын харилцаа романтик байна. Амрах, хөгжилдөх цагаа зөв зохицуулах хэрэгтэй. Бусдаас магтаалын үгс болон тааламжтай бэлэг хүлээх авах бололтой. Залуу хүмүүс сайн суралцахад тус болох үйл явдалтай учирна. Хосуудын харилцаа хөндий хоосон мэт санагдсан ч од эрхсийн ивээлээр удахгүй сайхан харилцаа нь сэргэх болно. Шинэ ажил хэрэгт урам зоригтойгоор дайран орох боловч хэсэг хугацааны дараа өдөр тутмын хэвийн байдалдаа орохыг хүснэ. Ямар ч ажлыг хийхэд багагүй эр зориг хэрэг болно. Олны хэл аманд өртөх магадлалтай. Дургүй зүйлээрээ оролдож чөлөөт цагаа өнгөрүүлэхээс зайлсхий.
8-р сар
Энэ сарын эхээр албан ёсны үйл ажиллагаа элдэв хүнд суртлын хүлээсэнд орж, төлөвлөсөн хугацаандаа амжихгүй байх магадлалтай. Өөрийн хүсэл зорилго, байр суурийг идэвхтэй хамгаал. Зөв гэж үзсэн зүйл дээрээ буулт хийж бусдыг аялдан дагах хэрэггүй. Та амлалтдаа хүрдэггүй бол өрсөлдөгчдийн үйл ажиллагаа идэвхжих бололтой. Өрсөлдөөн тэмцэлд оролцохдоо буруу алхам хийснээр таны нэр хүнд, нөлөө унана. Ивээн тэтгэгчийн тусламжтайгаар ирээдүйд нэр хүндээ бэхжүүлэх алхам хийхийг хичээ. Арилжаа наймаанаас боломжийн ашиг олох байх. Биеэ хэт тоох болон өөрийгөө өмөөрөх үйлдэл илэрнэ. Нөхцөл байдалд зохицон уян хатан байх нь чухал. Сарын дунд үед өндөр албан тушаалтнуудад ая тал зассанаар албан тушаал ахиж болох боловч олон хүнд таны тухай эвгүй сэтгэгдэл төрүүлнэ. Арилжаа наймаанд идэвхтэй оролцвол санхүүгийн байдлаа ахиулах боломж байна. Гэхдээ санхүүгийн хүндрэлд орохгүйн тулд төсвөө нямбай зарцуул. Олон нийтийн үйл ажиллагаанд шударга үнэний төлөө тэмцэх нь одоогоор бодит үр дүнд хүрэх аргагүй байж мэднэ. Хувийн амьдралд ер бусын адал явдал хайр сэтгэлийн галыг өрдөнө. Таны хайртай хүнд сэтгэл санааны дэмжлэг хэрэгтэй болно. Өөрийгөө хянаж чадахгүй, түрэмгий байдал гаргавал ойр дотнынхоо хүмүүсийг гомдооход хүрэхийг санаарай. Сэтгэл хөдлөл их байх тул буруу байдлаар өөрийгөө илэрхийлэх магадлалтай. Сарын сүүл рүү ихэнх хүмүүс ажил хэрэгтээ холбоотой асуудлаас хялбархан гарч чадна. Үүнд таны мэдлэг чадвар түлхүү нөлөөлнө. Хувийн амьдралд чухал үйл явдал тохиох магадлалтай. Өөрийгөө бусдаас дээгүүр тавих эрмэлзлэлээсээ таашаал авна. Гэхдээ хувиа хичээсэн байдал гаргах хэрэггүй. Санхүүгийн бэрхшээлтэй нөхцөл байдлаас та гайхалтай хариу арга хэмжээ авсны үр дүнд гарч чадна. Арилжаа наймааны ажилд түншүүд эсвэл найз нөхөд дэмжлэг үзүүлэх бололтой. Таны амьдралд саад тотгор учирсан үед хамаатан садан, найз нөхдийнхөө өгөөмөр уужим сэтгэлийг мэдрэх болно. Гэнэтийн уулзалт, санамсаргүй учрал зэрэг үйл явдал тохионо. Үл хөдлөх хөрөнгө худалдан авах, асран хамгаалагчийн үүрэг гүйцэтгэх зэрэг нь танд таатай байна.
8-р сар
Энэ сарын эхээр од эрхэс тодорхойгүй нөлөөлөл ихээр илгээх тул өөрийн ур чадварт түлхүү найд. Чухал асуудал шийдвэрлэж чадахгүй бололтой. Санхүүгийн ажил хэрэг дээр хуумгай зүйл хийвэл алдагдалд орно. Өмнөх ажлаа дуусгахын тулд эрч хүчээ зөв хуваарил. Нарийн мэргэжлийн хүмүүс тухайн салбарынхаа өндөр мэдлэгтэй хүмүүсээс суралцаж, туршлага судлахад таатай үе. Ямар нэг шинэ мэдээ хүлээн авна. Ихэнх хүмүүс үүссэн нөхцөл байдалд өөртөө тохирох түшиг тулгуур олоход хүндхэн байна. Нийтийг хамарсан урлагийн тоглолт, уралдаан тэмцээн, арга хэмжээнд оролцох шаардлагатай болно. Гаднын таагүй халдлага ажиглагдах тул дотроо бодолтой бай. Сарын дунд үед урлаг соёлын хүмүүс уран бүтээлийн үйл ажиллагаанаас таашаал авна. Бизнес эрхлэгч нар түншүүдтэйгээ тохиролцож чадвал багагүй амжилтад хүрч чадна. Мөн мэдээлэл харилцаа болон боловсролын салбарт ажилладаг хүмүүст таатай нөхцөл байдал үүснэ. Олны анхааралд хэт өртөж болохгүй. Туршлага дутах эсвэл эрч хүч хэт ихэдсэнээс сонгосон замаасаа хазайж магадгүй. Таны оюун санааны төлөвшлийг шалгах үйл явдал тохиолдоно. Зугаа цэнгэлээс аль болох хол бай. Гэр бүлдээ заавал цаг гарга. Найз нөхдийнхөө цагаа олсон зөвлөгөөг та хүлээн авах юм бол үл ойлголцол удахгүй тайлагдана. Сарын сүүл рүү гэр орондоо засвар хийх ажлыг эхлүүлэх нь сайн үр дүн авчирна. Барилгын материалуудыг сонгохдоо чанартай, эрүүл мэндэд сөрөг нөлөөгүй талыг эрхэмлэ. Зарим сөрөг хандлагаас болж гэнэтийн зардал гарч магадгүй. Хайр сэтгэлийн асуудал чухал байна. Зүрх сэтгэлээ сайн сонсохыг од эрхэс зөвлөж байна. Гэнэтийн сонирхолтой мэдээ ирэх байх. Ойр дотнын хүмүүсийнхээ талаар сайхан мэдээ болон гайхалтай амжилт сонсох магадлалтай. Ажилдаа эзэн болсон бүх хүнийг од эрхэс ивээлдээ авна. Шинэ ажилд орох хүмүүсээс мэргэжлийн хүнээс тусламж зөвлөгөө авах нь тохиромжтой болохыг од эрхэс сануулж байна. Санамсаргүй байдлаар бэлэг дурсгал болон мөнгө санхүүгийн тусламж хүлээн авч магадгүй. Эрүүл мэндээ анхаар. Хоол боловсруулах систем хямарна. Танд тамир тэнхээ сайжруулах амралт болон арга хэрэгсэл шаардлагатай байгааг од эрхэс зөвлөж байна.
8-р сар
Энэ сарын эхээр татвар, өр ширтэй холбоотой асуудлууд босож ирнэ. Өмч хөрөнгөтэй холбоотой асуудалд сайн анхаарал тавь. Хувийн амьдралд төвөгтэй асуудлууд үе үе гарсаар байх болно. Хайр дурлалын харилцаанд үүссэн нөхцөл байдал ээдрээтэй байж мэднэ. Ажлаа зөнд нь орхихгүй байхыг хичээ. Та ажлаа солих гэж байгаа бол хойшлуулахад гэмгүй. Сайн мэдэхгүй зүйлээр хамаагүй оролдох хэрэггүй. Танд элдэв туршилт зохихгүй. Амьдралын буруу хэв маяг таны эрүүл мэндэд заналхийлж байна. Чөлөөт цаг гарган амарч зугаалах болон спортын ямар нэг төрлөөр хичээллэх сайн үр дүнтэй байх болно. Найз нөхөдтэйгөө уулзаж цаг үеийн гол сэдвээр санал бодлоо хуваалц. Зорилгодоо хүрэхэд чинь туслах хүмүүсээс заавар зөвлөгөө ав. Сарын дунд үед ихэвчлэн санхүүгийн асуудлаас улбаатай гэр бүлийн асуудалтай зууралдаж магадгүй. Эрч хүч дүүрэн байх тул гэр бүлийнхээ амьдралыг сайжруулах боломж гаргахыг хичээ. Орон байрныхаа нөхцөлийг сайжруулах арга хэмжээ авахад тааламжтай. Азтай байж амьдралын чухал мөрөөдлөө биелүүлэх боломж гарна. Бүтээлч хүмүүсийг амжилт, урам зориг дагаж байна. Амьдралын аливаа шинэлэг асуудалд идэвхтэй хандахаас бүү ай. Зохион байгуулах авьяас чадвар өндөр байна. Бусдад итгэл үнэмшил төрүүлэх хандлага өндөр байна. Сарын сүүл рүү гадаад үзэмж биеэ авч явах тал дээр анхаар. Эрүүл мэндээ анхаар. Ялангуяа залуу хүмүүс эртнээс эрүүл амьдралын хэв маягийг сонго. Энэ үед ажлын чадвар эрүүл мэндийн асуудалтай нягт холбоотой байна. Ажил дээрх өдөр тутмын үүрэг хариуцлага таныг багагүй стресстүүлэх бололтой. Ажлын хүнд асуудлыг ойр дотнын хүнтэйгээ хуваалц. Хууль ёс болон уламжлалт зан үйлийг дагаж мөрдөхийг хичээ. Хичээл зүтгэлтэй, идэвх оролдлоготой хүмүүсийн нууц авьяас илэрнэ. Шинэ ажлын болон албан тушаал дэвших санал хүлээн авна. Олон нийтийн зүтгэлтэн, нийгмийн идэвхтэн болон улс төрчдийн үйл ажиллагаанд өгөөжтэй байна.
8-р сар
Энэ сарын эхээр тулгамдсан асуудлуудаа өвөрмөц аргаар шийдэх гэж оролд. Ерийн бус үйлдлүүдийг од эрхэс дэмжих хандлагатай байна. Удирдах шатны байгууллагаас таны арга барилыг үнэлэх болно. Албан тушаал ахих эсвэл цалингаа нэмүүлэх талаар удирдлагатайгаа ярилцаж болно. Од эрхсийн ивээлээр биеийн эрүүл мэнд сайн байна. Харин бүтэлгүй хайрын төлөө шаналж магадгүй. Гэвч таны горьдлого тасрахгүй бололтой. Амьдралын тайван бус хэв маяг, хэт ажлын ачаалал нь амьдралын эрч хүчийг бууруулна. Санхүүтэй холбоотой хүндрэл гарч болзошгүй. Хувийн амьдралд гэнэтийн хүндрэл, төвөгтэй байдал гарч болзошгүй. Гэхдээ удахгүй сайхан мэдээ дуулна. Сарын дунд үед албан тушаал нэр төр олох амбицаа тодорхой түвшинд хэрэгжүүл. Хамт ажиллагсдаа удирдаж чадахаа харуулахад анхаарал тавь. Од эрхсийн байрлал таны оюун ухааны үйл ажиллагааны өндөр чадвар болон үнэнч шударга, өөрийгөө хүндлэх мэдрэмжийг сэргээнэ. Санхүүгийн зах зээл дээр мөнгөө эргэлдүүлэх арга зам хайна. Хуучин өрөө төл. Гэрээтэй холбоотой санхүүгийн үүргээ хатуу биелүүл. Хайр сэтгэлийн асуудал ээдрээтэй байдалд орж магадгүй. Хайр сэтгэлийн харилцаанд үнэнч зан дутагдана. Шалиг байдал танд гай авчирна. Хууч өвчтэй хүмүүсийн өвчин сэдэрч магадгүй. Чөлөөт цаг гарган гэр орноо тохижуулах, үл хөдлөх хөрөнгө худалдан авах зэрэг нь тааламжтай байна. Сарын сүүл рүү огцом өөрчлөлтөд нас тогтсон хүмүүс дасан зохицоход хэцүү байна. Харин шинэ цагийн өөрчлөлтөд залуу хүмүүсийн үйл ажиллагаа амархан зохицож чадна. Урлагийн хүмүүс танилын хүрээгээ тэлж, олонд нэртэй болно. Таны гадаад төрх, сэтгэл татам инээмсэглэл бусдыг өөртөө татна. Ямар нэг өвчний шинж тэмдэг илэрч магадгүй. Эрчимтэй эмчилгээг шууд эхэлбэл үр дүнгээ өгнө. Их ажлаас болж мэдрэлийн хэт ачаалал авахаас зайлсхий. Амарч алжаалаа тайлах боломж олох хэрэгтэй болно. Холимог хандлага давамгайлах учир төөрөлдөж болзошгүй. Бясалгал нь тайвширч, эргэцүүлэн бодох боломж өгнө. Судалгаагүй шийдвэр, худал мэдээллийг нягтлаагүйгээс болж өөрийн болон бусдын эд хөрөнгийг үрэн таран хийх магадлалтай байна.