Тээвэр хөгжлийн банкны Гүйцэтгэх захирал С.В.Новожелив нь банкныхаа өргөтгөлийн байрны мөнгөнөөс 400 сая төгрөг хувьдаа завшсан хэргээр УМБГ-т шалгагдаад багагүй хугацаа өнгөрч байгаа.

Энэ хугацаанд түүнийг үүрэгт ажлаас нь чөлөөлөөд байсан билээ. Өнгөрсөн долоо хоногт түүнийг ажлаас нь түдгэлзүүлсэн тус банкны удирдлагуудын гаргасан шийдвэрийг Нийслэлийн захиргааны хэргийн шүүх авч хэлэлцээд түүнийг ажилд нь эргэн томилох шийдвэр гаргасан байна.

Түүнд холбогдох эрүүгийн хэрэг одоогоос долоо хоногийн өмнө Нийслэлийн прокурорын газрын хяналтад ирсэн билээ. Энэ хэргийн хянагдах хуулийн хугацаа ирэх сарын 3-ны өдөр дуусгавар болно.