Өвөрхангай аймгийн "Их Монголын Хүчтэн Дэвжээ"-ний шилдэг аймгийн начингууд, Завхан аймгийн "Завхан" дэвжээний шилдэг аймгийн начингуудын багийн халз барилдаан энэ Баасан гарагийн 13:00 цагт "Мөнхийн Үсэг" группийн "Мөнх спорт төв"-д болно.

Дэвжээ тус бүрийн зургаа, зургаан бөх тойргийн журмаар барилдах бөгөөд “Завхан” дэвжээнээс аймгийн нэмэх, өсөх начин Б.Даваадорж, М.Амарсанаа, аймгийн начин Т.Ганзаяа, Г.Чойжамц, Н.Бямбажаргал, Т.Хайдавдорж нар хүч үзэх бол “Их Монголын Хүчтэн Дэвжээ”-нээс аймгийн нэмэх начин С.Галданцогт, аймгийн начин Ж.Бямбадонид, Н.Загархорол, Н.Даваадагва, Н.Даваадорж, Б.Бямбадорж нар зодоглохоор болжээ.

Т.Түмэндэмбэрэл