Зураач Б.Одмэргэн “Түүхийн бүдэг жимээр” үзэсгэлэнгээ өнөөдөр буюу 22-ны 16.00 цагаас Бест Арт Галлерейд нээж, олон нийтэд дэлгэн үзүүлнэ.

Бест Арт Галлерей нь Төв шуудангийн уулзварын баруун урд байрлах Монголын Урчуудын Эвлэлийн үзэсгэлэнгийн танхимын хоёрдугаар давхарт байрладгийг уншигчид мэдэх биз ээ.

Энэхүү үзэсгэлэнг шог зураач С.Цогтбаяр “уран зургийн үзмэр төдийгүй түүхэнд нэрлэгдсэн газар усны нэр гарлыг хөөж судалсан нэгэн шинэ эрэл хайгуулын үр дүн, дүрслэх урлаг болон түүхийн шинжлэх ухааны дөрөө харшсан хамтын аялал, алтан огтлолцол дээр оршсон том олз бөлгөө” хэмээн тодорхойлжээ.