Сар шинийн баярт зориулсан “Цагаан идээ зөв хэрэглээ” үзэсгэлэн худалдаа Тусгаар тогтнолын талбайд өнгөрсөн сард нээгдсэн.

"Нэг Архангай-Шинэ хөгжлийн тэмүүлэл" ТББ-аас уг үзэсгэлэн худалдааг зохион байгуулж буй бөгөөд энэ сарын 10-ыг хүртэл үргэлжилнэ.

Архангай аймгийн Чулуут, Булган тэргүүтэй хэд хэдэн сумын малчид сүү, цагаан идээгээ энд борлуулж буй бөгөөд өнгөрсөн жилээс үнэ өсөөгүй гэдгийг хэлж байв. Гэвч худалдан авалт өнгөрсөн жилээс нэлээд муудсан байна хэмээн тэд онцолсон.

Үзэсгэлэнд тавгийн идээний ааруул, өрөм, зөөхий зэргийг худалдаалж байна. Тусгаар тогтнолын талбайд худалдаалж буй цагаан идээний үнийг сонирхуулвал:

• Тавгийн идээ 180-230 мянга,
• Шар тос – 14 мянга,
• Өрөм 13-15 мянга,
• Хорхой ааруул 12-14 мянга,
• Зөөхий 10-12 мянга,
• Шовгор, буржгар, шоо дөрвөлжин ааруул 14-18 мянга,
• Хээтэй ааруул 15 мянга
• Сүүн хурууд 25 мянга,
• Сүүн ааруулаар зассан тавгийн идээ 130-200 мянга
• Хайлмаг 10 мянга,
• Өнгөт тос 10 мянга,
• Аарц 3500 төгрөгийн үнэтэй байна.