Дорнод аймгийн Чойбалсан хотод футзалын төрлөөр зохиогдож байгаа “Футзалын үндэсний цом”-ын баг тамирчидтай Монгол Улсын Ерөнхийлөгч Х.Баттулга уулзлаа.

Тус тэмцээнийг Монгол Улсын Ерөнхийлөгчийн ивээл дор жил бүр уламжлал болгон зохион байгуулдаг.

21 аймгийн аварга шалгаруулах “Үндэсний цом” тэмцээнд Монгол Улсын Ерөнхийлөгч өөрийн биеэр хүрэлцэн ирсэн ирж, амжилт хүссэн байна.

Тус тэмцээнийг 2008 оноос аймгуудын цом нэртэйгээр зохион байгуулж байсан бол 2013 онд “Үндэсний цом” хэмээн нэрээ өөрчилж Ерөнхийлөгчийн ивээл дор зохиогдох болжээ.

Тэмцээн энэ сарын 30-ныг хүртэл үргэлжлэх бөгөөд 16 аймгийн баг тамирчдаас шилдгүүдээ тодруулна.