Нийслэлийн хөрөнгө оруулалтаар Сүхбаатар дүүргийн 19-р хороо Хуурай мухрын зуслангийн чиглэлд гал түймэр унтраах, аврах анги байгуулахаар барилгын ажлыг эхлүүлээд байна.

Гал түймэр унтраах, аврах шинэ ангийн барилга нийт 2,7 тэрбум төгрөгийн өртөгөөр баригдаж 2018 оны IV улиралд ашиглалтанд орно гэж нийслэлийн Онцгой байдлын газраас мэдээллээ.

Уг барилгын ажлыг Жи Си Ай ХХК хариуцан барилгын ажлыг гүйцэтгэж байгаа бөгөөд одоогоор гүйцэтгэл таван хувьтай явагдаж байгаа аж.

Онцгой байдлын асуудал эрхэлсэн байгууллагын үүрэг гүйцэтгэх чадавхийг нэмэгдүүлэх, төрийн үйлчилгээг иргэдэд хүртээмжтэй,  шуурхай  хүргэх зорилгоор суурьшлын бүсүүдэд шинээр гал түймэр унтраах аврах ангиудыг байгуулж байна.