Их аварга Хакухо Даваажаргал 2000 жилийн түүхтэй сумо бөхийн бүх цаг үеийн давааны рекордыг шинэчлэн тогтоож  1050 даван 39-дэх түрүүгээ авсан билээ. Тэрээр эх орондоо ирээд байгаа бөгөөд түүний энэхүү түүхэн амжилтыг тэмдэглэж Монгол, Япон орны гольф сонирхогчдын дунд "Хакухо Кап 2017" гольфын тэмцээнийг зохион байгууллаа. Тэмцээнд  Монгол, Япон улсын 60 гаруй гольф сонирхогчид оролцон 2 улсын найрсаг харилцааг харуулсан сайхан өдрийг бид дурандаа буулгалаа.