GoGo мэдээний агентлагийн жил бүр уламжлал болгон зохион явуулдаг бөхийн тааварт энэ удаад ялагч тодорсонгүй. XVII жарны Гал бичин жилийн сар шинийн бөхийн барилдаад 256 бөх барилдаж, интернет хэрэглэгчид өөрсдийн тааврыг ирүүллээ.

Нийт тааварт оролцсон хэрэглэгчдийн 98 нь Улсын харцага Ц.Содномдоржыг түрүүлнэ гэж сонгосон бол Аварга Г.Эрхэмбаяртай үзүүр түрүүнд барилдана гэж есөн хэрэглэгч таажээ.

Бөхийн тааврын дүрэм ёсоор шөвгийн найман бөхөөс эхлээд түрүү бөхийн нэрийг хүртэл зөв таасан нэг хэрэглэгчид нэг сая төгрөгийн эрхийн бичиг гардуулах байсан боловч Улсын харцага Ц.Содномдоржыг түрүүлнэ гэж таасан хэрэглэгчдийн нэг нь ч шөвгийн найман болон шөвгийн дөрвөн бөхийг зөв таагаагүй юм.

Гэсэн хэдий ч 2016 оны наадмын барилдаанд бөхийн таавартаа дахин оролцох боломж та бүхэнд бий. Амжилт хүсэе. Сайхан шинэлээрэй!