Үндэсний портал GoGo.mn сайт 2015 онд хийсэн дараах ажлуудаараа Монголын Сэтгүүлчдийн Нэгдсэн Эвлэлийн “ШИЛДЭГ ХЭВЛЭЛ МЭДЭЭЛЛИЙН БАЙГУУЛЛАГА” шалгаруулалтын төрөлд “ШИЛДЭГ САЙТ”-аар шалгарч гурван жил дараалан энэхүү өргөмжлөлийг хүртэж байна.

ЁС ЗҮЙН ЗАРЧМАА БАТАЛСАН АНХНЫ САЙТ БОЛЛОО

Үндэсний портал GoGo.mn сайт 2015 онд Ёс зүйн зарчмаа баталж, олон нийтэд мэдээллээ. Ингэснээр бид цахим сэтгүүл зүйд ёс зүйн зарчмаа баталсан анхны мэдээллийн сайт болж, бусдыгаа энэ зүгт уриалсан юм.

НИЙГМИЙН ХАРИУЦЛАГА

Үндэсний портал GoGo.mn сайт 2015 онд дараах чиглэлүүдээр ажиллаж, нийгмийн хариуцлагаа биелүүлж ирлээ.

Үндэсний үйлдвэрлэл, жижиг дунд бизнесийг хөгжүүлэх

Бид 2015 онд ГАРААНЫ БИЗНЕС буланг хэрэглэгчиддээ хүргэж эхэллээ. Энэ булангаараа бид бизнесийн үйл ажиллагаа эхлүүлээд удаагүй жижиг, дунд бизнес эрхлэгчдийг үнэ төлбөргүйгээр сурталчлан, тэдний бүтээгдэхүүнийг олны танил болгоход тус дэм үзүүлэн ажилласан юм.

Үндэсний үйлдвэрлэлээ дэмжихийг уриалсан энэ буланд оны турш нийт 30-н байгууллага, аж ахуйн нэгж, хувь хүн өөрсдийн бүтээлээ үнэ төлбөргүйгээр сурталчилж чаджээ.

Хотын соёлыг сурталчлан таниулах

Энэ онд бидний нийгмийн хариуцлагаа биелүүлсэн бас нэг цуврал бүтээл бол “Соёлын довтолгоо” нэртэй нийтлэл, комик, санал асуулга зэргийг багтаасан 56 багц хичээлүүд байлаа. Энэ багцаараа бид иргэдэд хотын соёлыг таниулах, сурталчлах, түгээн дэлгэрүүлэх зорилгыг тавьсан юм.

АСУУДАЛ ХӨНДСӨН НИЙТЛЭЛҮҮД

Нийгмийн асуудлыг хөндөж, шийдвэр гаргагчдад нөлөөлөхийн тулд бид дараах сэдвүүдээр багц сурвалжлагуудыг хийлээ.

Нийгмийн чиглэлээр:

• "ЦЭВЭРЛЭХ БАЙГУУЛАМЖ" багц сурвалжлага
• “ХҮЧИРХИЙЛЭЛ” багц сурвалжлага
• ЦӨМИЙН ЭНЕРГИ талаарх багц сурвалжлага
• КОНДУКТОРУУДЫН талаар асуудал хөндсөн сурвалжлага
• ЗАМЫН ХӨДӨЛГӨӨНИЙ багц сурвалжлага
• ЭРҮҮЛЖҮҮЛЭХ БОЛОН ТҮРГЭНИЙ ХҮЛЭЭН АВАХЫН талаар хөндсөн багц сурвалжлага
• СЭРГЭЭН ЗАСАХ ХӨГЖЛИЙН ҮНДЭСНИЙ ТӨВИЙН ХАРЬЯА МСҮТӨВИЙН ХӨГЖЛИЙН БЭРХШЭЭЛТЭЙ ХҮҮХДҮҮДИЙН СУРАХ НӨХЦӨЛИЙН талаар багц сурвалжлага
• СУРГУУЛИЙН АВТОБУСЫН талаар сурвалжлага
• ХАГАС ТЭРБУМ ТӨГРӨГИЙН ӨРТӨГТЭЙ ЦЭЦЭРЛЭГТ ХҮРЭЭЛЭНГИЙН АРЧИЛГААНЫ  талаарх сурвалжлага

Эрүүл мэндийн чиглэлээр:

• “ХҮҮХДИЙН ХОДООДНЫ ӨВЧЛӨЛ” багц сурвалжлага
• “Е ТЭМДЭГЛЭГЭЭ” багц сурвалжлага
• “АЛИМ” багц сурвалжлага
• “ХҮҮХЭД” багц сурвалжлага
• УЛААНБУРХАНЫ ӨВЧЛӨЛ, УРЬДЧИЛАН СЭРГИЙЛЭХ багц сурвалжлага
• ЭЛЭГНИЙ ВИРУСЫН ТАЛААРХ багц сурвалжлага  гэх мэт.

ШУУД СУРВАЛЖЛАГА

2015 онд бид дараах хурал, чуулган, спортын тэмцээнүүдийг сайтуудаас ганцаараа газар дээрээс нь шууд сурвалжлан видео, аудио, текст хэлбэрээр хэрэглэгчиддээ хүргэлээ. Үүнд:

Хурал чуулган:

• Coal Mongolia 2015
• “Онлайн эрх чөлөө” эвслийн сайд нарын тавдугаар бага хурал
• Эдийн засгийн форум 2015
• ICT EXPO 2015
• Academy awards 2015 - “Кино академийн шагнал гардуулах ёслол”
• Content summit

Спортын тэмцээн:

- Бокс ДАШТ
- Чөлөөт бөх ДАШТ
- Туялзуур сэлэм ЗААШТ
- Жүдо ДАШТ
- Чингис хаан Гран При

www.mongolia.gogo.mn
Бид GoGo Mongolia сайтаар дамжуулан Монголын эдийн засаг, уул уурхайн, улс төр, нийгмийн мэдээг Англи хэл рүү шуурхай орчуулан, хүргэж байна.

Ингэснээр дэлхий нийтэд Монголоо сурталчлах, Монгол Улсын талаар эерэг мэдээлэл түгээхэд голлон анхаарч ажиллалаа.

Үр дүнд нь Монгол Улсад суугаа элчин сайдууд, олон улсын байгууллагын болон бизнесийн байгууллагын төлөөлөгчдийн өдөр тутам мэдээлэл авдаг сайт болжээ.  

ДЭЛХИЙД

www.gogo.mn сайт 2015 онд Дэлхийн үйл явдлыг шуурхай, шууд, хамгийн хүрээмжтэй байдлаар орчуулгын өндөр түвшинд хэрэглэгчид хүргэлээ.

• Парисын халдлага
• Сири болон Украйны асуудлуудыг
• Путины хэвлэлийн хурал
• ДАВОС, Их 20, НҮБын 70 жилийн үйл явдал
• Дэлхийн мисс
• Оскар болон Греммийн шагнал гардуулах ёслол
• Apple болон бусад технологийн шинэ бүтээгдэхүүний танилцуулга
• CES MWC технологийн чуулга

Ирж буй 2016 онд бид цахим сэтгүүл зүйн салбартаа илүү олон зүйлсийг шинээр санаачлан хийхийг зорин ажиллах болно.