"Ирээдүйн чадавхийг бий болгох нь" сэдэвт төслийн удирдлагын олон улсын бага хурал семинар Блю скай зочид буудлын хурлын танхимд эхэллээ.

Хуралд гадаад дотоодын 260 гаруй хүн оролцож байна. Энэхүү бага хурлаар төслийн удирдлагын чиглэлээрх олон улсын сайн зарчим туршлагыг өөрийн орны онцлогтой хэрхэн уялдуулан нэвтрүүлэх, холбогдох мэргэжилтнүүдийн чадавхийг сайжруулахын тулд юуг хийх, мэргэшсэн төслийн удирдагчдыг хэрхэн бий болгох талаар хэлэлцэж шийдэлд хүрэх талаар хэлэлцэнэ.

Хуралдаан нь салбар хуралдаанаар үргэлжлэх бөгөөд эхний салбар нь:

• "Барилга болон уул уурхайн хуралд мега төслийг эхлүүлэх түүнийг амжилттай хэрэгжүүлэх" сэдвээр Оюутолгой ХХК-ийн захирал асан Камерон Макрэй,
• "Эдийн засгийн өсөлтөд уул уурхайн гүйцэтгэх үүрэг" сэдвээр "Эрдэнэс Монгол" компанийн гүйцэтгэх захирал Б.Бямбасайхан
• "Барилга болон уул уурхайн салбарт тоног төхөөрөмжийн нийлүүлтийн компаниудын эзлэх байр суурь" сэдвээр "Wagner Asia Equipment" компанийн ерөнхий захирал Стийв Поттер нар илтгэл тавьж төслийн менежментийн талаарх мэдлэг туршлагаасаа хуваалцана.