Ёс зүйтэй, хууль, шүүхийн өмнө тэгш эрхтэй Монгол хүн, Монгол нийгмийг төлөвшүүлэхэд онцгой анхаарч, хүний биш хуулийн засаглалын дор хараа бус, алагчилж тал хардаггүй шударга шүүхийн зарчмыг хатуу сахиулж, шүүхийн шинэтгэлийг тууштай дэмжих бодлого баримтална.

Боловсрол, шинжлэх ухааны салбарт техник, технологийн дэвшлийг нэвтрүүлж, сурган хүмүүжүүлэх, мэдлэг олгох аливаа үйл ажиллагаа хүртээмж өндөртэй, өгөөж сайтай, тэгш боломжтой байхад онцгой анхаар ажиллана.

Хот суурин газрын агаар, хөрсний бохирдол, хог хаягдал, ногоон байгууламжийн асуудалд анхаарал хандуулж, хот суурины ногоон байгууламжийг нэмэгдүүлэх, хог хаягдлыг дахин боловсруулах, хот суурин газруудын дулааны алдагдал болон агаарын бохирдлыг бууруулахад санал санаачилгыг дэмжинэ.

Монголын уламжлалт нүүдлийн аж ахуйд цахим технологи, эрчим хүчний эх үүсвэр, цэвэр усан хангамж, түүхий эд боловсруулах бичил үйлдвэрлэл гэх мэт орчин үеийн технологийн ололтыг нэвтрүүлэх, малчдын эрүүл, тохитой орчинд амьдрах, хөгжих, аж ахуй эрхлэх боломжийг сайжруулах, энэ чиглэлд оруулсан хөрөнгө оруулалт татах татварын бодлогыг дэмжинэ.

Олон улсын дээд хэмжээний уулзалтууд, хурал, бусад хамтарсан арга хэмжээг хүлээн авч зохион байгуулах ажлыг тогтмолжуулах, улмаар Монгол Улсыг олон улсын яриа хэлэлцээний төв, зангилаа болгоход чиглэсэн алхмуудыг хэрэгжүүлнэ.

Эрүүл мэндийн салбарын санхүүжилтийн бүтцийг оновчтой болгох замаар, эрүүл мэндийн даатгалын бие даасан байдлыг бэхжүүлэн, иргэд эрүүл мэндийн үйлчилгээг оршин суугаа газрын харьяалал, өмчийн хэлбэр үл харгалзан эрүүл мэндийн даатгалаар бүх шатлалын үйлчилгээг авах боломжийг бүрдүүлэхийг дэмжинэ.

Үндэсний эв нэгдлийн бодлогын зөвлөл, Гадаадад суугаа монголчуудаа дэмжих бодлогын зөвлөл, Цахим хөгжил, технологийн бодлогыг зөвлөл, Монгол брэндийг дэлхийд гаргах бодлогын зөвлөл, Үндэсний баялгийн шударга хуваарилалтын бодлогын зөвлөлийг тус тус байгуулна.