“Зариг.мн” сайтыг үүсгэн байгуулагч, сэтгүүлч Н.Өнөрцэцэг өөрийг нь яллагдагчаар татсан талаар мэдээллийг өнөөдөр хийсэн.

Тэрбээр "Дахиад өгөх амь алга, одоо зогс хэлэлцүүлгийг зохион байгуулсан. Зохион байгуулахын өмнөх өдөр над руу байцаагч залгаж мэдүүлэг өгөөрэй гэсэн. Хэлэлцүүлгээ дуусгаад мэдүүлэг өгье гэж хэлсэн боловч маргааш нь над руу ярилгүйгээр мэдүүлэг өгөх тогтоол танилцуулсан. Тухайн дуудсан цагт нь, би 11-р сарын 22-ны өдөр 15 цагт очсон. Товлосон ажилтай байгаа учраас мэдүүлгээ өгч амжихгүй тул дараа болохоор болсон.

Гэтэл өнөөдөр үдээс хойш энэ тогтоолыг авчирсан. Өмнө нь шүүхэд нөлөөлсөн гэсэн үндэслэлээр байсан бол шүүхийн нэр төрд халдсан болсон байна. Би гэрч, сэжигтнээр нэг ч удаа дуудагдаагүй байж байгаад өнөөдөр яллагдагчаар ийм хуудас хүлээн авахад хүрлээ. Энэ албан бичиг нь дугааргүй байсан учраас би дугаар тавиад хүрээд ир гээд явуулсан. Би ямар гэмт хэрэг хийснээ мэдэхгүй байна” гэсэн юм.

Прокурорын мэдэгдэх хуудаст “Эрүүгийн хуулийн тусгай ангийн 13.14.1 дэх хэсэгт зааснаар мөрдөн шалгах ажиллагаа явуулсан хэрэгт Н.Өнөрцэцэг танаас яллагдагчаар мэдүүлэг авах зорилгоор Эрүүгийн хэрэг хянан шийдвэрлэх тухай хуулийн дагуу дуудаж байна.

Иймд 2023 оны арваннэгдүгээр сарын 24-ний өдөр Мөрдөн байцаах албаны Хүний эрүүл мэндийн халдашгүй байдлын эсрэг гэмт хэрэг мөрдөн шалгах хэлтэст ирж мэдүүлэг өгөхийг мэдэгдье. Хэрэв заасан хугацаанд хүндэтгэн үзэх шалтгаангүйгээр ирээгүй бол Эрүүгийн хэрэг хянан шийдвэрлэх тухай хуулийн 12.3 дугаар зүйлд заасны дагуу албадан ирүүлэх ажиллагаа гүйцэтгэнэ” гэжээ. 

Энэ талаар ЦЕГ-ын Урьдчилан сэргийлэх газрын Хэвлэл мэдээлэл, олон нийттэй харилцах хэлтсийн дарга, цагдаагийн хурандаа Б.Батзориг “Цагдаагийн байгууллагад энэ оны аравдугаар сарын 13-ны өдөр Шүүхийн ерөнхий зөвлөлөөс “Unurtsetseg Naran” хаягаас олон нийтийн сүлжээнд илт худал мэдээлэл тарааж, шүүхийн бие даасан, хараат бус байдалд халдахаар нөлөөлсөн байж болзошгүй асуудлыг шалгуулах гомдол ирүүлсэн.

Улсын Ерөнхий прокурорын газраас Мөрдөн байцаах албанд шалгуулах харьяалал тогтоосон. Үүний дагуу Мөрдөн байцаах албаны мөрдөгч сэтгүүлч Н.Өнөрцэцэгийг хуулийн дагуу удаа дараа дуудсан боловч “Би ажилтай байна” гэх шалтгаанаар ирээгүй. Энэ асуудлыг хүндэтгэн үзэх шалтгаан гэж хүлээн авч хүлээцтэй хандаж байсан.

Сэтгүүлч Н.Өнөрцэцэгийг хуулийн дагуу удаа дараа дуудсан ч “Би ажилтай байна” гэх шалтгаанаар ирээгүй. Энэ асуудлыг хүндэтгэн үзэх шалтгаан гэж хүлээн авч хүлээцтэй хандсан.

Гэвч хэрэг бүртгэлт, мөрдөн байцаалтын хэрэг хуулийн хугацаатай, тодорхой хугацаанд шийдвэр гаргах зохицуулалттай. Иймд хэрэг бүртгэлтийн хэрэг нээсэнтэй холбогдуулан тухайн иргэнийг удаа дараа дуудаад ирээгүй тул прокурорын дуудах хуудсаар өчигдөр сэжигтнээр тооцон холбогдох ажиллагаа хийсэн. Өнөөдөр прокурорын дуудах хуудсаар дахин дуудаж, яллагдагчаар татах тогтоол танилцуулах байсан.

Энэ асуудалд Н.Өнөрцэцэг анхнаасаа гэрч байгаагүй. Цагдаагийн бүх ажил хуульд заасан үндэслэл журмын дагуу явагдаж байна. Би олны танил, олон дагагчтай гэдгээрээ шалгуулахгүй байх, хуулийн байгууллага дуудахад ирэхгүй байх хуулийн зохицуулалт байхгүй. Хүн бүр хуулийн өмнө тэгш эрхтэй” гэлээ.

Прокурорын мэдэгдэх хуудаст дурдсан үндэслэл нь,