УИХ-ын чуулганы нэгдсэн худалдаан болж байна. 

Хэлэлцэх асуудлын дарааллаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” асуудлыг хэлэлцэж байна. 

УИХ-ын дарга Н.Учрал хэлэхдээ, "Алдагдалтай ажиллаж байгаа компанид иргэд, олон нийтээс хөрөнгө оруулалт татна гэх логик байхгүй. Оруулж ирж байгаа жагсаалтад алдагдалтай ажиллаж буй компаниуд олон байна. Ийм нөхцөлд тэдгээр компанид хөрөнгө оруулалт татах тухай ярих нь зохимжгүй гэж үзэж байна.

Энэ асуудлыг Төрийн өмчийн хороо (ТӨХ) өөрсдөө тодорхой, нээлттэй тайлбарлах шаардлагатай. Одоогийн практикт хувьцааны маш бага хувийг л биржээр гаргадаг, харин томоохон хувьцаа эзэмшигч нь хэвээр үлддэг. Бид өмнө нь ийм агуулгатай тогтоолуудыг хэд хэдэн удаа гаргаж байсан.

Тухайлбал, МЦХ-г хувьчлах тухай асуудлыг удаа дараа оруулж ирж байна. Энэ нь хэд дэх удаагаа яригдаж байгааг ч тодорхой хэлэхэд бэрх. Ер нь хувьцааны маш бага хувийг нээлттэй болгож, биржээр арилжаалснаар бодит үр дүнд хүрнэ гэж үзэх боломжгүй. Үүнийг бодитоор, үнэнээр нь хэлэх ёстой.

Иймд Төрийн өмчийн хорооноос уг асуудлаар нэмэлт, тодорхой тайлбар өгөх шаардлагатай байна" гэв.

ШУУД ҮЗЭХ: