АНУ-ын Элчин сайдын яамнаас 2027-2028 оны Фулбрайтын (гадаад) Оюутны хөтөлбөртөө өргөдлийн материал хүлээн авч эхэлжээ.

Фулбрайтын Оюутны хөтөлбөр нь залуу мэргэжилтнүүдэд АНУ-д магистрын зэрэг эзэмших боломжийг олгодог бүрэн тэтгэлэгт хөтөлбөр юм.  Энэхүү хөтөлбөр нь дэлхийн 160 гаруй оронд хэрэгжиж жил бүр 4000 орчим гадаад оюутнуудад тэтгэлэг олгож байна.

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2010 оноос хэрэгжиж эхэлсэн ба 2022 оноос хоёр засгийн газрын санхүүжилттэйгээр нэгдсэн сонгон шалгаруулалт явагдаж эхэлсэн ба жилд 20 хүртэлх тооны оюутан хамруулж байна.

Судлах чиглэлүүд:

• Фулбрайтын Оюутны хөтөлбөр нь бүх чиглэлээр зарлагддаг боловч Монгол Улсын Засгийн газрын 115 дугаар тогтоол-д дурдсан тэргүүлэх болон эрэлттэй мэргэжлийн чиглэлээр суралцах иргэдийг түлхүү дэмжинэ.  Хоёр улсын системийн ялгаанаас үүдэн эрүүл мэндийн салбарт зөвхөн Нийгмийн эрүүл мэнд, хуулийн салбарт зөвхөн Олон улсын хууль (LLM) чиглэлээр суралцах боломжтой.

Хөтөлбөрт хамрагдагчдад тавигдах үндсэн шалгууруудад:

• Монгол Улсын иргэн бөгөөд Монгол Улсад оршин сууж байх
• 1.5 болон түүнээс дээш жилийн бүтэн цагаар ажилласан ажлын туршлагатай байх
• Дээд боловсролтой байх (бакалаврын эсвэл дүйх зэрэг)
• Англи хэлний чадвар сайтай байж, суралцах мэргэжлийн чиглэлээсээ хамааран (PDF 296 KB) TOEFL IBT, IELTS эсвэл Duolingo-ын хүчин төгөлдөр, зохих хэмжээний оноотой байх
• АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу талтай. АНУ-ын ногоон карт эзэмшигч монголчууд өргөдөл гаргах эрхгүй.

Өргөдөл гаргах дэлгэрэнгүй заавартай ЭНД-ээс танилцах боломжтой.

Эх сурвалж: Монгол Улс дахь АНУ-ын элчин сайдын яам