Орхон аймаг дахь Цагдаагийн газрын хэсгийн байцаагч, цагдаагийн дэслэгч Д.Пүрэвдэмбэрэл 3 ихэр охинтой болж Цагдаагийн байгууллага ихэр охидоор бүл нэмсэн гайхалтай сайхан өдөр тохиож байна. 

​Ихэр охидын аав Д.Пүрэвдэмбэрэл "Үнэхээр аз жаргалтай байна. Дүүлэн нисэж байгаа юм шиг мэдрэмж төрж байна. Эхнэр маань кесарево хагалгаагаар төрсөн. Маш их өвдөлтийн ард тэсч гарж чадсан. Анх хүүхдүүдээ ихэр гэдгийг мэдээгүй. Эхний удаа эход үзүүлэхэд нэг хүүхэд гэсэн. Долоо хоногийн дараа үзүүлэхэд хоёр ихэр, дахиад долоо хоногийн дараа үзүүлэхэд гурван ихэр байна гэж хэлсэн. Хөөх үржигдээд байдаг юм байхдаа гэж бодсон. Хүүхдүүдээ алган дээрээ тэврээд миний охид гэдгээ мэдрэх хамгийн аз жаргалтай мөч байсан" гэв.

Аавын хоолой зангирч, ээжийн царайнд гэрэл гийж, аавд нь алаг үрсийг нь харуулж буй торгон агшныг хүргэж байна.