УИХ-ын чуулганы хуралдаан үргэлжилж байна. Хуралдаанаар 2025 оны төсвийн анхны хэлэлцүүлгийг хийж байна.

Шадар сайд Т.Доржханд "Гаднынхан эрчим хүчний ногоон шилжилтэд хөрөнгө оруулъя гэж байна. Тэр хүмүүс стандарт хүсээд байгаа. Тухайлбал Ерөнхий сайдтай бид сая Арабт айлчлаад ирлээ. Тэнд байгаа хүмүүс ногоон эрчим хүч, устөрөгчийн төсөл дээр чинь хөрөнгө оруулъя гэж байна. Ингэхийн тулд та нар бодлогоо гаргаад ирээч гэлээ. Энэ бүхнийг хийхэд Эрчим хүчний үндэсний хороо ажиллаж байгаа юм. Түүнээс Эрчим хүчний яамны урдуур ороод, ажлыг нь булаалцалдаад байгаа зүйл үгүй.

Бид өнөөдөр тоггүй байна, хязгаарлалтад орчихсон. Б.Чойжилсүрэн сайд үнэнээ хэлж байна, бодит байдал энэ. Гаднын хөрөнгө оруулалт байхгүй, төсөвт эх үүсвэр байхгүй. Гаднынхан ногоон шилжилтэд чинь хөрөнгө оруулна гээд байна. Гэтэл бидэнд шилжилт нь, бодлогын бичиг баримт нь байхгүй. Үүнийг хийх бүтэц, эксперт нь байхгүй.

Гэтэл энэ салбар чинь бодит байдал дээр гацчихаад байгаа тул реформ хийх үндсэн зорилго. Чойжоо сайд бодитой, сайн ажил хийж байгаа. Эрчим хүчний шилжилтэд дотоод, гадаадын зөвлөх үйлчилгээ хэрэгтэй. Эрчим хүчний яаманд тийм ажиллах нөөц байхгүй” гэлээ.