Засгийн газрын хуралдаанаас гарсан шийдвэрийг танилцуулж байна.

УИХ-ын гишүүн, Батлан хамгаалахын сайд Д.Батлут, "НҮБ-ын энхийг дэмжих үйл ажиллагаанд оролцож байгаа бие бүрэлдэхүүний томилолтын зардлыг өөрчлөх шийдвэр гаргасан байна. 2002 оноос хойш 23 жилийн хугацаанд НҮБ-ын энхийг дэмжих үйл ажиллагаанд давхардсан тоогоор 23 мянга орчим цэргийн албан хаагч ажилласан байдаг. 

2011 оны Засгийн газрын 270-р тоот тогтоолоор энэ үйл ажиллагаанд оролцсон цэргийн алба хаагчийн томилолтын зардлыг 70 хувийг нь тухайн үүрэг гүйцэтгэгчид, 30 хувь нь Зэвсэгт хүчний хөгжлийн санд төвлөрүүлэхээр шийдэл гаргасан байдгийг өнөөдрийн Засгийн газрын хуралдаанаар 80 хувь нь үүрэг гүйцэтгэсэн бүрэлдэхүүнд, 20 хувийг нь Зэвсэгт хүчний хөгжлийн санд төвлөрүүлэхээр шийдвэр гаргалаа.

Ингэснээр энхийг дэмжих үйл ажиллагаанд оролцсон цэргийн алба хаагчийн нийгмийн асуудалд томоохон ахиц гарна. Бүтэн жилийн үйл ажиллагаанд алс хол газар үүрэг гүйцэтгэж ирсэн алба хаагчид 6 сая орчим төгрөгийн нэмэлт томилолтын зардал болгож өгч байгаагаараа онцлог. 

Цэргийн алба хаагчийг тухайн орон нутагт нь эрэлттэй мэргэжлүүдээр мэргэжил эзэмших хөтөлбөрийг хэрэгжүүлэхээр шийдвэрлэсэн.

Хоёрдугаарт, хугацаат цэргийн алба хаагчидтай холбоотой асуудалд урьд өмнөх Засгийн газар ажиллаж, алба хаах үндсэн үүрэг гүйцэтгэхээс гадна мэргэжил олгох сургалтууд хийдэг байсан.

Үүнтэй холбоотойгоор 21 аймаг 330 сумаас хөдөлмөр эрхлэх боломжтой, тухайн орон нутагт эрэлт хэрэгцээтэй ямар мэргэжлүүд байна вэ гэх судалгааг үндэслэн ХНХЯ, Боловсролын яамтай хамтарч хугацаат цэргийн алба хаагчийг тухайн орон нутагт нь эрэлттэй мэргэжлүүдээр мэргэжил эзэмших боломжийг олгох хөтөлбөрийг хэрэгжүүлэхээр шийдвэрлэсэн.

Ингэснээр цэргийн алба хааж буй залуучууд маань өөрийн амьдардаг орон нутагтаа эргэж очоод ажиллах боломжтой мэргэжлийг эзэмшиж халагдахаараа онцлог юм" гэв.

ШУУД ҮЗЭХ: