Бүгд найрамдах Серби улсын Врнячка Баня хотод Олон улсын шатрын холбоо/FIDE/-ны зохион байгуулсан Дэлхийн өсвөрийн шатрын аварга шалгаруулах тэмцээнд 50 гаруй орны тамирчид өрсөлдөж байна.

Тус тэмцээнд Монгол Улсын өсвөрийн шатрын аварга Т.Тодмөнх эх орноо төлөөлөн оролцож байгаа юм. Тэрбээр 18 нас хүртэлх нээлттэй ангиллын түргэвчилсэн ба түргэн тоглолтын аварга шалгаруулах тэмцээний шатрын бодлого, түргэн бодолтын төрөлд түрүүлж дэлхийн аварга боллоо.

Т.Тодмөнх өнөөдөр эхлэх блиц төрлийн U12 насны ангилалд тоглох юм. Тус ангиллын тэмцээн хоёр өдөр үргэлжилж шилдгүүдээ тодруулна. Одоогоор тус тэмцээнийг ОХУ-ын тамирчид амжилтаар тэргүүлж буй бөгөөд энэ жилээс тэднийг улсынхаа далбаа дор тоглохыг зөвшөөрчээ.