Монгол Улсын Эрүү шүүлтээс урьдчилан сэргийлэх үндэсний ажиллагаа "Эрүү шүүлтээс урьдчилан сэргийлэх нийгэмлэг” Олон улсын байгууллагатай Улаанбаатар хотноо долоо хоногийн турш хамтын ажиллагааг үргэлжлүүлэв.

Энэ үеэр эрүүдэн шүүлтээс урьдчилан сэргийлэх үндэсний ажиллагааны хяналт шинжилгээний арга барилд анхаарах асуудлыг олж тогтоох зорилгоор эмэгтэйчүүдийн хорих ангид хамтарсан хяналт шинжилгээ хийж хоёр байгууллага ирэх онд хамтран ажиллахаар боллоо.

Монгол Улсын ЭШУС үндэсний ажиллагаа нь Ази-Номхон далайн бүсэд байгуулагдсан цөөн үндэсний ажиллагаадын нэг боловч, бүс нутгийнхаа ЭШУС үндэсний ажиллагааны бүрэн эрхийг хэрэгжүүлэгч ХЭҮБ-уудын дунд болон Эрүүдэн шүүхийн эсрэг конвенцын Нэмэлт протоколыг хараахан соёрхон батлаагүй бүс нутгийн бусад Оролцогч улсууддаа үлгэр жишээ болсныг "Эрүү шүүлтээс урьдчилан сэргийлэх нийгэмлэг”-ээс тодотгов.

Алслагдсан бүс нутагт гэнэтийн хяналт шинжилгээ хийхээр тухайн нутагт хөл тавьсан даруйд ЭШУС үндэсний ажиллагааны айлчлалын талаарх мэдээлэл тархдаг нь асуудал үүсгэж байна.

Монгол Улсын ЭШУС үндэсний ажиллагааны өмнө тулгарч буй сорилтуудын нэг нь өргөн уудам газарзүйн байршил. Алслагдсан бүс нутгуудад эрх чөлөөгөө хасуулсан газруудад зочлоход хүндрэлтэй байдаг бөгөөд өртөг өндөр тусдаг аж. Мөн алслагдсан бүс нутагт гэнэтийн хяналт шинжилгээ хийхээр тухайн нутагт хөл тавьсан даруйд ЭШУС үндэсний ажиллагааны айлчлалын талаарх мэдээлэл тархдаг нь асуудал үүсгэж байна.

ЭШУС үндэсний ажиллагаа нь үр дүнтэй ярилцлага хийх Мендезийн зарчмуудыг Монгол хэлнээ орчуулах, түүнчлэн түүнийг хэрэгжүүлэхэд тулгарч буй зарим асуудлууд дээр Эрүү шүүлтээс урьдчилан сэргийлэх нийгэмлэгтэй хамтран ажиллаж байна. Эрх баригчид энэ төрлийн практик арга барилыг ихэд сонирхож байгааг манай нэгдсэн зөвлөгөөнд 2000 гаруй цагдаагийн алба хаагч оролцсон явдал харуулж байна.

Гэр бүлийнхэндээ мэдэгдэх нь цагдаад саатуулагдсан эхний цагийн хамгийн чухал хамгаалалтуудын нэг юм. Олон улс оронд энэ явц хамгийн хялбар хэрэгждэг. Учир нь өмгөөлөгч авахаас ялгаатай нь гэр бүлийнхэндээ мэдэгдэх нь маш бага зардалтай байдаг. Гэсэн хэдий ч Монголын алслагдсан бүс нутагт энэ нь үнэндээ хамгийн хэцүү асуудал аж. Олон малчин өрх гар утасны сүлжээ ордоггүй газар амьдардаг бөгөөд садан төрлийнх нь хэн нэг нь баривчлагдах аваас тэднийгээ олох, холбоо тогтоох нь ихээхэн бэрхшээлтэй байдаг байна.

Мэдүүлэг авах бүх өрөөнд хяналтын камер нэвтрүүлэх ажил үргэлжилж байна. Олон улсад тулгарч байсны адил, бичлэг хийлгэхийг хүсээгүй цагдаа нар эхэн үедээ эсэргүүцдэг байжээ. Гэхдээ энэ байдал өөрчлөгдөж байна. Цагдаагийн алба хаагчид энэ нь өөрсдийнх нь хувьд хамгаалалт болж байгааг; тэднийг хэлмэгдэхээс сэргийлэхийн зэрэгцээ баривчлагдсан хүмүүсийн эрхийг хамгаалахад давхар тусалж байгааг олж харж байна.

Мэдүүлэг авах бүх өрөөнд хяналтын камер нэвтрүүлэх ажил үргэлжилж байна.

Олон цагдаагийн хэлтэс нөөцийн дутагдлаас болж хамгаалалтын арга хэмжээ хэрэгжүүлэхэд бэрхшээлтэй нүүр тулгардаг аж. Тухайлбал, өрөөний дутагдлаас болж алба хаагчдын ажлын өрөөнд болон бусад хүмүүсийн дэргэд мэдүүлэг авах ажиллагаа явагдаж байна.

Монгол Улсын тухайд эрх чөлөөгөө хасуулсан эмэгтэйчүүд гэр бүлээсээ хол байршилд хуваарилагддаг нь асар том сорилт ажээ. Тус улсад эмэгтэйчүүдийн хорих анги нэг л байдаг тул ихэнх хорих ял эдэлж буй эмэгтэй гэрээсээ хол хоригддог. Энэ зураг дээр ЭШУС үндэсний ажиллагаа эдгээр болон бусад асуудлаар хорих ангийн удирдлагуудтай ярилцаж байна.

Нийслэл дэх замын хөдөлгөөний хэт ачаалал нь өмгөөлөгчөөр түргэн шуурхай хангагдахад асуудал үүсгэдэг аж. Өмгөөлөгчтэй байгаад, түргэн шуурхай холбогдсон ч замын түгжрэлээс болоод цагдаагийн хэлтэст ирэхдээ олон цаг зарцуулдаг байна.

ЭШУС үндэсний ажиллагаа нь бүрэн эрхээ хэрэгжүүлж байгаа шинэхэн үндэсний ажиллагааныхаа хувьд арга зүйгээ сайжруулахад анхаарч, Эрүү шүүлтээс урьдчилан сэргийлэх нийгэмлэгтэй хамтран эмэгтэйчүүдийн хорих ангид хяналт шинжилгээ явууллаа.

Эх сурвалж: Эрүү шүүлтээс урьдчилан сэргийлэх нийгэмлэг