АНУ-ын хилээр нэвтрэхдээ худал хэлэх, хуурамч бичиг баримт ашиглавал байнгын хориг тавиулах үндэслэл болохыг Монгол дахь АНУ-ын Элчин Сайдын Яамнаас зөвлөлөө.

Консул таны гэмт хэрэг, зөрчилд холбогдож байсан эсэхийг шалгах боломжтой байдаг. Тиймээс та хуулийн хариуцлага хүлээж байсан бол визийн мэдүүлэгт болон ярилцлагын үед үнэн зөв мэдээлэл өгөх нь зүйтэй. Мэдүүлээгүй үлдээсэн жижиг зөрчил ч виз олгохоос татгалзах үндэслэл болдог. Мөн худал, зөрүүтэй мэдээлэл өгснөөр байнгын хоригт орох эрсдэлтэйг сануулав.

Ташрамд мэдээлэхэд, АНУ-д богино хугацаагаар (жуулчлал, бизнес, боловсрол гэх мэт) зорчих бол DS-160  маягтыг цахимаар бөглөнө. Харин АНУ-д байнга оршин суух, ажиллах зорилготой хүмүүст олгогддог Цагаачлалын визийн хувьд АНУ-ын Иргэншил ба Цагаачлалын албаны цахим хуудас руу  орж холбогдох маягтыг авах боломжтой.