Ховд аймгийн Мөст сумын харьяат, Хилийн цэргийн хурандаа, Монгол Улсын заан Цэдэвийн Мягмарсүрэнгийн нэрэмжит барилдаан  өчигдөр буюу нэгдүгээр сарын 31-нд болов.

Барилдаанд Улс, аймаг, цэрэг, сумын алдар цолтой 128 бөх зодогложээ. Энэ үеэр Улсын аварга О.Хангай гэр бүлийн хамт өөрийн багш, Улсын заан Ц.Мягмарсүрэнд 100 сая төгрөгийн мөнгөн урамшуулал олгов.

Ташрамд сонирхуулахад Улсын заан Ц.Мягмарсүрэн 1973 онд Ховд аймгийн Мөст суманд төрсөн, 1991 онд сумын заан, 1996 онд Аймгийн заан, 1997 онд Цэргийн арслан, 1998 онд 6 давж өсөх идэр чимэгтэй улсын начин цол хүртсэн.

Мөн 1998 онд гаргасан амжилтаараа 2004 онд Монгол улсын Ерөнхийлөгчийн зарлигаар Улсын харцага цол, 2005 онд Улсын заан цол хүртсэн.

Тэрбээр мөн бөхийн чөлөөт барилдааны спортын мастер, Сумо бөхийн Дэлхийн аваргын мөнгө, хүрэл медальт, ОУХМ цолтой.