Эрүүл мэндийн сайдын санаачилгаар хоёрдугаар сарыг “Ахмад настны эрүүл мэндийг дэмжих сар” болгож нарийн мэргэжлийн 17 төрлийн урьдчилан сэргийлэх, эрт илрүүлэх үзлэг, оношилгоог дүүргийн Эрүүл мэндийн төвүүдэд эхлүүллээ. Энэ хүрээнд өчигдөр Хан-Уул дүүргийн Эрүүл мэндийн төвд 180 орчим ахмад настныг урьдчилан сэргийлэх, эрт илрүүлэх үзлэг оношилгоонд хамрууллаа.

Үргэлжлүүлэн бүх дүүргүүдэд хийгдэх бөгөөд Улсын нэг, хоёр, гуравдугаар төв эмнэлэг, СЭМҮТ, АШУҮИС-ийн нүүр ам судлалын нарийн мэргэжлийн эмч, мэргэжилтнүүд баг болон ажиллаж үзлэг, оношилгоог хийх юм. 17 төрлийн үзлэг оношилгоонд хамрагдана. Үүнд

• Дотоод шүүрэл булчирхай
• Мэдрэл судлал
• Мэдрэлийн мэс засал
• Сэтгэц судлал
• Уушиг, харшил
• Хэвлийн эхо
• Ходоодны дуран
• Хоол боловсруулах зам
• Хэрэх үе судлал
• Хавдар судлал
• Хэвлийн эхо
• Зүрх судас
• Зүрхний эхо
• Зүрхний цахилгаан бичлэг
• Бөөр, бөөрний мэс заслын үзлэг
• Чих хамар хоолой
• Нүд
• Зүрхний эхо
• Үений мэс засал
• Бүдүүн шулуун гэдэс
• Амны хөндий багтаж байна.

Эх сурвалж: Эрүүл мэндийн яам