Спортын төв ордны А зааланд волейболын ахмадын улсын аварга шалгаруулах тэмцээн наймдугаар сарын 10-17-ны өдрүүдэд буй. Өнөөдөр сүүлийн шатны шатанд шалгарсан тоглолтууд үргэлжлээд өндөрлөх юм.

Хуучин цагийн шилдэг мастеруудын сонирхол татсан олон тоглолтыг зөвхөн энэ талбайгаас харж болохыг дурдъя.

Тэмцээнд эрэгтэйчүүдийн 40-47, 48-54, 55-аас дээш болон эмэгтэйчүүдийн 35-42, 43-50, 51-ээс дээш гэсэн насны ангилалд нийт 47 баг өрсөлдөөн өрнүүллээ.

Сонирхуулахад энэ тэмцээнд гавьяат тамирчин сагсан бөмбөгийн нэрт тамирчин Ц.Шаравжамц тэргүүтэй мөн тамирчин  Л.Нарантуяа, гавьяат дасгалжуулагч Г.Баярсайхан нарын олон алдарт цуутнууд чуулжээ. 1985 оноос эхтэй тус тэмцээнд “Эрчис тал” баг  хамгийн олон (6 удаа) түрүүлсэн гэх.

Ц.Шаравжамц гавьяат нь 1990-ээд оны үед сагсан бөмбөг лигийн талбайд тоглохын зэрэгцээ волейболын спортоор “Тэнгис”, “Монсам” багийн өмнөөс тоглохдоо лигт гурван удаа хүрэл, УАШТ-ээс нэг алтан медаль хүртэж байжээ.

Эх сурвалж: Биеийн тамир, спортын улсын хороо