УИХ-ын чуулганы нэгдсэн хуралдаанаар “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” Улсын Их Хурлын тогтоолын төслийг хэлэлцлээ. 

Энэ үеэр УИХ-ын гишүүн М.Мандхай үг хэлэв.

Тэрээр, "Монгол Улсыг 2021-2025 онд хөгжүүлэх 5 жилийн үндсэн чиглэлийн хэрэгжилтийн тайланг 10 сарын 30-ны өдөр ирүүлсэн.

Энэ тайланд хөдөө аж ахуйн салбар, тэр дундаа хүнсний үйлдвэрлэлийн чиглэлд тулгамдаж буй асуудлуудыг тодорхой дурдсан байна. Үүнд, 

• Дотоодын хүнсний хангамж хангалтгүй,
• Олон улсын стандарт, шаардлага хангасан үйлдвэрлэл сул,
• Малын дайвар бүтээгдэхүүний боловсруулалт доогуур,
• Үүний улмаас хүнсний аюулгүй байдлын эрсдэл өндөр хэвээр байгаа гэжээ.

Мөн 2024 онд нийт өрхийн 65% нь хүнсний баталгаат байдалгүй байсан, үүнээс 2023 онд ноцтой түвшинд хүнсний хомсдолд орсон өрхийн тоо нэмэгдсэн нь хүнсний хүртээмж, чанарын асуудлыг илтгэж байна.

Хүнсний нэмэлт, транс тосны хяналтын лаборатори байхгүй, хяналтын тогтолцоо алдагдсан. Үйлдвэрлэлийн хүчин чадлыг нэмэгдүүлэх, лабораторийн чадавхыг сайжруулах, технологийн шинэчлэл хийх, хөрөнгө оруулалтыг нэмэгдүүлэх шаардлагатай гэж дүгнэсэн байна.

Энэ тайланд үнэндээ болохгүй байгаа асуудлуудыг тодорхой бичсэн байгаа юм. Гэвч үнэнийг хэлсэн хүнд өшөөтэй гэгчээр, сайд маань намайг удаа дараа заналхийлж, доромжилсон.

Би уг нь энэ салбарыг хөгжүүлэхийн төлөө, салбарын бүтцийг дахин системтэйгээр, тогтолцоогоор нь шинэчлэх хэрэгтэй гэж үзэж байна. Тэгэхгүй бол татвар төлөгчдийн мөнгө үргүй зардал руу орж байна.

Одоогийн байдлаар нийт төсвийн 60 хувь нь татаас, хөнгөлөлтөд зориулагдаж байгаа хэр нь хүнсний үйлдвэрлэл, нийлүүлэлт нэмэгдэхгүй байна. Үүнийг би судлаачдын дүгнэлт, тоо баримтад үндэслэн ярьж байна.

Харамсалтай нь өнөөдөр энэ салбарт өөрчлөлт хийх сонирхол, сайжруулах хүсэл алга байна. Шинэчилье гэсэн саналуудыг хүлээж авахгүй байгаа нь үнэхээр харамсалтай.

Хэрвээ Ерөнхий сайд байсан бол би түүнд нэг зүйлийг захиж хэлмээр байна.  Энэ 5 жилийн төлөвлөгөөг Эдийн засгийн байнгын хороо буцаасан байгаа. Тиймээс энэ асуудлаар байгуулагдах ажлын хэсэгт миний бие орж, хөдөө аж ахуйн салбарын ирэх 5 жилийн чиглэлд өөрийн тодорхой саналаа нарийвчилж оруулах болно гэдгээ энд хэлье" гэв. 

ҮЗЭХ: