Цаг уур, орчны шинжилгээний газрын мэдээлснээр, Сэлэнгэ /Хялгант тосгон/, Эг /Хантай баг/, Ерөө /Дулаанхаан сум/, Шарын гол, Туул /Алтанбулаг/ зэрэг голуудын усны түвшин өдрийнхөөс 10-45 см нэмэгдэж, Туул гол Алтанбулаг сум, Улз гол Дашбалбар сум орчимд үерийн түвшинг 10-35 см даван үерлэжээ. 

Маргааш /2025.08.25/ Сэлэнгэ мөрөн Зүүнбүрэн сум орчимд усны түвшин 10 см, Туул гол Лүн сум орчимд 40 см орчим тус тус нэмэгдэх хандлагатай байна.

Иймд дээрх голуудын эрэг хөвөө, хөндийгөөр суурьших айл өрх, аж ахуйн нэгж байгууллага үер усны аюулаас болгоомжтой байхыг онцгойлон анхааруулж байна.

Эх сурвалж: ЦУОШГ