Төрийн үйлчилгээний нэгдсэн E-Mongolia системд "Зөрчлийн торгуулийн төлбөр төлөх (2026.01.10-с хойш)" үйлчилгээг шинээр нэвтрүүлсэн. Ингэснээр:

• Иргэд 953 байгууллагын 230 гаруй төрлийн торгуулийг нэг системээр дамжуулан шалгах;
• Нэмэлт шимтгэлгүйгээр төлбөрөө төлөх боломж бүрджээ.

Хэрэв автомашины 2026.01.10-ны өдрөөс хойших торгуулиа төлөх бол E-Mongolia системийн "Зөрчлийн торгуулийн төлбөр төлөх (2026.01.10-с хойш)" цэсийг сонгон үйлчилгээ авна.

Харин 2026.01.10-ны өдрөөс өмнө торгуулсан тохиолдолд "Иргэн, жолооч, авто тээврийн хэрэгслийн торгуулийн төлбөр төлөх (2026.01.10-с өмнөх)" цэс болон киоск машин, төлбөрийн бусад сувгаар төлөх боломжтой юм байна.