НҮБ-ын Ерөнхий Ассамблейн 78 дугаар чуулган Нью-Йорк хотноо энэ сарын 5-нд нээлтээ хийлээ. Бүтэн нэг жилийн хугацаанд үргэлжлэх шинэ чуулганаар хэлэлцэх асуудлын жагсаалтад уур амьсгалын өөрчлөлт, тогтвортой хөгжлийн зорилт, хүнсний аюулгүй байдал, хөгжиж буй орнуудын өр зээл, олон улсын хямрал, мөргөлдөөн зэрэг багтжээ.
Энэ сарын 12-нд Ерөнхий Ассамблейн 77 дугаар чуулганы хаалтын хурал болж, бүрэн эрх нь дуусгавар болж буй НҮБ-ын Ерөнхий Ассамблейн дарга, Унгарын төлөөлөгч Чаба Короши нэг жилийн ажлаа дүгнэнэ. Дараа нь тэрбээр даргын суудлаа Бүгд Найрамдах Тринидад ба Тобаго Улсын төлөөлөгч Деннис Фрэнсист шилжүүлэн өгөх юм.
Мөн өдрийн 15:00 цагт НҮБ-ын Ерөнхий Ассамблейн 78 дугаар чуулганы нээлт болно. Нээлтийн ажиллагааны хуралдаанаар Деннис Фрэнсис Ерөнхий Ассамблейн даргын хувьд ирэх нэг жилийн хугацаанд хийх ажил, зорилгоо танилцуулснаар албан ёсны үйл ажиллагаанууд эхлэх юм.
Ерөнхий Ассамблейн гол арга хэмжээ болох улс төрийн ерөнхий санал, шүүмжлэл, илтгэл есдүгээр сарын 19-25-ны өдрүүдэд болох бөгөөд үүнд дэлхийн улс орны удирдагчид, Гадаад хэргийн сайд нар зэрэг 100 гаруй орны төлөөлөгч оролцоно.
Энэ жилийн чуулганы Ерөнхий санал шүүмжлэлийг Бразилийн төрийн тэргүүн Луис Инасио Лула да Силва нээж үг хэлнэ. Лула да Силва НҮБ-ын Ерөнхий Ассамблейн чуулганы үеэр Украины ерөнхийлөгч Володимир Зеленський, Оросын төрийн тэргүүн Владимир Путин нарыг хэлэлцээрийн ширээний ард суулгах бодолтой байгаагаа мэдэгдсэн юм. Тэрбээр энэ талаар "НҮБ-ын Ерөнхий Ассамблейн чуулган бол дайн, энх тайвныг хэлэлцэх талбар. Мөн Путин, Зеленський нарыг хэлэлцээний ширээний ард суулгах талбар" гэж хэлжээ.
Орос, Украины дайн сүүлийн хоёр жилийн хугацаанд тус чуулганаар хэлэлцэх үндсэн чухал сэдвүүдийн нэг болоод буй юм.
Тэгвэл НҮБ-ын Ерөнхий Ассамблейн энэ жилийн чуулганд Украины ерөнхийлөгч Володимир Зеленський өөрийн биеэр оролцоно. Тэрбээр Орос, Украины дайны асуудлыг хэлэлцэх НҮБ-ын Аюулгүйн зөвлөлийн хуралд биечлэн оролцох юм. Өнгөрсөн жил Зеленський цахимаар чуулганд оролцсон юм. Орос Украины нутаг дэвсгэр рүү довтолсны дараа анх удаа Зеленський ийнхүү НҮБ-ын Аюулгүйн зөвлөлийн хуралд биечлэн оролцох гэж буйг баруун хэвлэлүүд онцолж байна.
Харин ОХУ-ын тухайд гэвэл тус улсын ерөнхийлөгч Владимир Путин оролцохгүй. Олон улсын эрүүгийн шүүхээс түүнийг баривчлах шийдвэр гаргасантай холбоотойгоор Путин сүүлийн үед болж буй олон улсын дээд хэмжээний уулзалтад оролцоход хүндрэл үүссэн.
"Есдүгээр сарын 5-26-ны өдрүүдэд Нью-Йорк хотноо болох НҮБ-ын Ерөнхий Ассамблейн 78 дугаар чуулга уулзалтад оролцох Оросын төлөөлөгчдийг Гадаад хэргийн сайд Сергей Лавров тэргүүлнэ" гэж ОХУ-ын Ерөнхийлөгчийн Тамгын газраас мэдээлжээ.
ЭНЭ ЖИЛ МОНГОЛ УЛСЫН ОРОЛЦОО ЯМАР БАЙХ ВЭ
Монгол Улсын Ерөнхийлөгч У.Хүрэлсүх өнгөрсөн жил НҮБ-ын Ерөнхий Ассамблейн 77 дугаар чуулганы Ерөнхий санал шүүмжлэлд үг хэлсэн билээ.
Тэрбээр Монгол Улс НҮБ-д бүрэн эрхт гишүүнээр элссэн 60 жилийн хугацаанд НҮБ-ын хариуцлагатай гишүүн байж, олон улсын хамтын нийгэмлэгийн үйл хэрэгт идэвх, санаачилгатай оролцож, дэлхий нийтийн энх тайван, аюулгүй байдал, хүн төрөлхтний сайн сайхан амьдрал, хөгжил дэвшлийн төлөө бодит хувь нэмрээ оруулж ирснийг онцолсон.
Мөн тэрээр цар тахлын дараах улс орнуудын нийгэм, эдийн засгийн сэргэлтийг эрчимжүүлэх, Тогтвортой хөгжлийн зорилтуудыг ханган хэрэгжүүлэх, хүн төрөлхтний өмнө тулгамдсан ядуурал, тэгш бус байдал, уур амьсгалын өөрчлөлт, цөлжилттэй тэмцэх асуудлаар Монгол Улсын авч хэрэгжүүлж буй бодлого, арга хэмжээний талаар танилцуулсан.
Харин энэ жилийн тухайд Монгол Улс есдүгээр сарын 20-нд НҮБ-ын Ерөнхий Ассамблейн 78 дугаар чуулганы Ерөнхий санал шүүмжлэлд үг хэлэх хуваарьтай байгаа юм.
НҮБ-ын Ерөнхий Ассамблейн 78 дугаар чуулган Нью-Йорк хотноо энэ сарын 5-нд нээлтээ хийлээ. Бүтэн нэг жилийн хугацаанд үргэлжлэх шинэ чуулганаар хэлэлцэх асуудлын жагсаалтад уур амьсгалын өөрчлөлт, тогтвортой хөгжлийн зорилт, хүнсний аюулгүй байдал, хөгжиж буй орнуудын өр зээл, олон улсын хямрал, мөргөлдөөн зэрэг багтжээ.
Энэ сарын 12-нд Ерөнхий Ассамблейн 77 дугаар чуулганы хаалтын хурал болж, бүрэн эрх нь дуусгавар болж буй НҮБ-ын Ерөнхий Ассамблейн дарга, Унгарын төлөөлөгч Чаба Короши нэг жилийн ажлаа дүгнэнэ. Дараа нь тэрбээр даргын суудлаа Бүгд Найрамдах Тринидад ба Тобаго Улсын төлөөлөгч Деннис Фрэнсист шилжүүлэн өгөх юм.
Мөн өдрийн 15:00 цагт НҮБ-ын Ерөнхий Ассамблейн 78 дугаар чуулганы нээлт болно. Нээлтийн ажиллагааны хуралдаанаар Деннис Фрэнсис Ерөнхий Ассамблейн даргын хувьд ирэх нэг жилийн хугацаанд хийх ажил, зорилгоо танилцуулснаар албан ёсны үйл ажиллагаанууд эхлэх юм.
Ерөнхий Ассамблейн гол арга хэмжээ болох улс төрийн ерөнхий санал, шүүмжлэл, илтгэл есдүгээр сарын 19-25-ны өдрүүдэд болох бөгөөд үүнд дэлхийн улс орны удирдагчид, Гадаад хэргийн сайд нар зэрэг 100 гаруй орны төлөөлөгч оролцоно.
Энэ жилийн чуулганы Ерөнхий санал шүүмжлэлийг Бразилийн төрийн тэргүүн Луис Инасио Лула да Силва нээж үг хэлнэ. Лула да Силва НҮБ-ын Ерөнхий Ассамблейн чуулганы үеэр Украины ерөнхийлөгч Володимир Зеленський, Оросын төрийн тэргүүн Владимир Путин нарыг хэлэлцээрийн ширээний ард суулгах бодолтой байгаагаа мэдэгдсэн юм. Тэрбээр энэ талаар "НҮБ-ын Ерөнхий Ассамблейн чуулган бол дайн, энх тайвныг хэлэлцэх талбар. Мөн Путин, Зеленський нарыг хэлэлцээний ширээний ард суулгах талбар" гэж хэлжээ.
Орос, Украины дайн сүүлийн хоёр жилийн хугацаанд тус чуулганаар хэлэлцэх үндсэн чухал сэдвүүдийн нэг болоод буй юм.
Тэгвэл НҮБ-ын Ерөнхий Ассамблейн энэ жилийн чуулганд Украины ерөнхийлөгч Володимир Зеленський өөрийн биеэр оролцоно. Тэрбээр Орос, Украины дайны асуудлыг хэлэлцэх НҮБ-ын Аюулгүйн зөвлөлийн хуралд биечлэн оролцох юм. Өнгөрсөн жил Зеленський цахимаар чуулганд оролцсон юм. Орос Украины нутаг дэвсгэр рүү довтолсны дараа анх удаа Зеленський ийнхүү НҮБ-ын Аюулгүйн зөвлөлийн хуралд биечлэн оролцох гэж буйг баруун хэвлэлүүд онцолж байна.
Харин ОХУ-ын тухайд гэвэл тус улсын ерөнхийлөгч Владимир Путин оролцохгүй. Олон улсын эрүүгийн шүүхээс түүнийг баривчлах шийдвэр гаргасантай холбоотойгоор Путин сүүлийн үед болж буй олон улсын дээд хэмжээний уулзалтад оролцоход хүндрэл үүссэн.
"Есдүгээр сарын 5-26-ны өдрүүдэд Нью-Йорк хотноо болох НҮБ-ын Ерөнхий Ассамблейн 78 дугаар чуулга уулзалтад оролцох Оросын төлөөлөгчдийг Гадаад хэргийн сайд Сергей Лавров тэргүүлнэ" гэж ОХУ-ын Ерөнхийлөгчийн Тамгын газраас мэдээлжээ.
ЭНЭ ЖИЛ МОНГОЛ УЛСЫН ОРОЛЦОО ЯМАР БАЙХ ВЭ
Монгол Улсын Ерөнхийлөгч У.Хүрэлсүх өнгөрсөн жил НҮБ-ын Ерөнхий Ассамблейн 77 дугаар чуулганы Ерөнхий санал шүүмжлэлд үг хэлсэн билээ.
Тэрбээр Монгол Улс НҮБ-д бүрэн эрхт гишүүнээр элссэн 60 жилийн хугацаанд НҮБ-ын хариуцлагатай гишүүн байж, олон улсын хамтын нийгэмлэгийн үйл хэрэгт идэвх, санаачилгатай оролцож, дэлхий нийтийн энх тайван, аюулгүй байдал, хүн төрөлхтний сайн сайхан амьдрал, хөгжил дэвшлийн төлөө бодит хувь нэмрээ оруулж ирснийг онцолсон.
Мөн тэрээр цар тахлын дараах улс орнуудын нийгэм, эдийн засгийн сэргэлтийг эрчимжүүлэх, Тогтвортой хөгжлийн зорилтуудыг ханган хэрэгжүүлэх, хүн төрөлхтний өмнө тулгамдсан ядуурал, тэгш бус байдал, уур амьсгалын өөрчлөлт, цөлжилттэй тэмцэх асуудлаар Монгол Улсын авч хэрэгжүүлж буй бодлого, арга хэмжээний талаар танилцуулсан.
Харин энэ жилийн тухайд Монгол Улс есдүгээр сарын 20-нд НҮБ-ын Ерөнхий Ассамблейн 78 дугаар чуулганы Ерөнхий санал шүүмжлэлд үг хэлэх хуваарьтай байгаа юм.