Өнгөрч буй 7 хоногт улс, оронд өрнөсөн онцлох үйл явдлыг тоймлон хүргэж байна. 

BET-ТЭЙ ХОЛБООТОЙ ХУУЛЬ ХЭРЭГЖИЖ ЭХЭЛЛЭЭ

Өмнө нь гар утасны олон улсад ашиглах боломжтой аппликейшнаар дамжуулан хүмүүс цахим ширээнд суугаад мөрийтэй тоглоно. Бооцооны мөнгөө тодорхой нэг дансанд шилжүүлсэн даруйд ширээнд суух эрхтэй болно. Энэ мэт байдлаар хэсэг нь бооцоо тавин мөрийтэй тоглож, өөр бусад нь энэ дундаас ашиг олж байв.

Гэсэн ч энэ тоглоомоос болж олон хүн өр зээлд унаж, улмаар гэр бүл салж, сэтгэл гутрал, амиа хорлолт, ажилгүйдэл даамжирч, улсын нийгэм, эдийн засагт ноцтой үр дагавар учруулж байна гэдэг судалгааны үндэслэлээр УИХ-аар дараах хуулиудад нэмэлт өөрчлөлт оруулж, 2025 оны долоодугаар сарын 1-нээс мөрдөж эхлэв. https://gogo.mn/r/v166el

18 НАСТАЙ ГАВЬЯАТ ТАМИРЧИНТАЙ БОЛОВ

Ерөнхийлөгч У.Хүрэлсүэх сагсан бөмбөгийн 3х3 төрлөөр ДАШТ-ий мөнгөн медаль хүртсэн эмэгтэй шигшээ багийн тамирчид (О.Хулан, Б.Ариунцэцэг, Н.Нандинхүсэл, М.Цэрэнлхам)-ыг Монгол Улсын гавьяат тамирчин цол тэмдгээр шагнав. Ингэснээр 18 настай Н.Нандинхүсэл нь Монгол Улсын түүхэнд Гавьяат тамирчин цолыг хүртэж буй залуу эмэгтэй боллоо. https://gogo.mn/r/8ljj82

ТАЛБАЙН ТАЙЗ НУРЖ ГУРВАН ХҮН ГЭМТЭВ

Сүхбаатарын талбайд зассан төмөр асар 18:40 цагийн орчимд нурж 2 том хүн 1 хүүхэд гэмтсэн гэх мэдээлэл бүртгэгдсэн хэмээн ЦЕГ-аас мэдээллээ. Цагдаагийн байгууллагын бүрэлдэхүүн хэргийн газар ажиллаж байна. Иргэдэд эрүүл мэндийн анхны тусламж үзүүлсэн бөгөөд ГССҮТ-д хүргэжээ. https://gogo.mn/r/j0e074

ТОП 100 АЖ АХУЙН НЭГЖИЙГ ШАЛГАРУУЛАВ

Засгийн газар, Монголын Үндэсний Худалдаа Аж Үйлдвэрийн Танхим хамтран 24 дэх жилдээ “ТОП-100” ААН-ийг тодруулан алдаршууллаа.

2024 оны "ТОП-100" аж ахуй нэгжийг "Оюу толгой" компани дахин тэргүүлэв. Цом, өргөмжлөл гардуулах ёслол Төрийн ордны ёслол, хүндэтгэлийн Баганат танхимд болов.

2024 оны Монгол улсын ТОП-100 ААН-ийн төлсөн татварын хэмжээ өмнөх оноос 1.4 их наяд төгрөгөөр өсөж 7.6 их наяд төгрөгт хүрсэн. Энэ нь татварын нийт орлогын 28 хувь болж байна. ТОП-100 ААН-ийн борлуулалт өмнөх оноос 4.5 их наяд төгрөгөөр өсөж, 54.9 их наяд хүрсэн. Энэ нь ДНБ-ий 69 хувьтай дүйж байна. https://gogo.mn/r/4m0m7m

ТЭТГЭВРИЙН ЗЭЭЛИЙН ӨР, ОРЛОГЫН ХАРЬЦААГ ХУУЧИН ХЭВЭЭР НЬ ҮЛДЭЭХЭЭР БОЛОВ

Тэтгэвэр барьцаалсан зээлд тавьсан 50\50 өр орлогын харьцааг ахмадууд эсэргүүцэж буйтай холбогдуулан Ерөнхий сайд Г.Занданшатар Монголбанкны Ерөнхийлөгч Б.Лхагвасүрэнтэй уулзаж, ярилцлаа.

Улмаар тэтгэврийн зээлд ямар нэг хязгаарлалт тавихгүй байх талаар талууд санал нэгдлээ. Хэрэглээний зээлийн нийтлэг зохицуулалтаас тэтгэврийн зээлийг гаргах замаар ахмадуудын тавьж буй шаардлагын хүрээнд шийдэл гаргах боломжтой гэж талууд үзсэн байна.

Иймээс ирэх даваа гарагт Монголбанкны Мөнгөний бодлогын зөвлөл дахин хуралдаж, тэтгэвэр барьцаалсан зээлийн асуудлыг хэлэлцэж хуучин хэвээр нь үлдээхээр болжээ. https://gogo.mn/r/17w74o

ТӨСВИЙН ТОДОТГОЛООР БАГШ НАР 36 САРЫН ТЭТГЭМЖЭЭ АВЧ ЧАДАХГҮЙД ХҮРЭХ ҮҮ?

Энэ  7 хоногийн УИХ-ын чуулганаар төсвийн тодотголын асуудлыг хэлэлцэв.  Улсын Их Хурлын гишүүн О.Номинчимэг  Улсын Их Хурлын чуулганы нэгдсэн хуралдаанаар Нийслэлийн боловсролын газрын урсгал зардлыг 2.6 тэрбумыг бууруулаад Цахим хөгжил, инновац, харилцаа холбооны сайдын урсгал зардлыг нэмэх Г.Ганбаатар гишүүний санал дэмжигдсэн тул дахин санал  хураах боломжтой эсэхийг тодруулав. Мөн  тэрбээр эл санал дэмжигдсэнээр нийслэлийн 100 гаруй багш тэтгэвэртээ гараад авдаг төрийн албан хаагчийн 36 сарын тэтгэмжээ авч чадахгүйд хүрнэ гэв. https://gogo.mn/r/9l8l52

САНАЛ БОЛГОХ НИЙТЛЭЛҮҮД: 

• Стив Сир: Монголд 3х3 сагсан бөмбөг хөгжиж байгаа эсэхэд эргэлзсэн хүмүүс хариултаа авсан байх
• Сюзанн Митчелл: АНУ-д холбооны шүүгчдийг насаар нь томилдог, цалинг нь бууруулдаггүй

• "Хос дээл авбал 0-5 насны хүүхдэд нь үнэ төлбөргүй дээл урлана"

• Эрх чөлөөт, эгэл жирийн амьдралыг эрэлхийлсэн Японы хаан, хатны намтар

• "Хогоо зүгээр л ангилж эхэлсэн. Дараа нь хэнд хэрэгтэй, өөр юу хийж болох вэ” гэх зуршилтай болсон

• "Бид "Хааны Эрэлд" сургуульд 21 дэх жилдээ хамтрахын сацуу Монгол орны гайхалтай соёлтой танилцлаа"