Засгийн газрыг огцрохыг шаардаж "Баялагтаа эзэн монгол" ТББ-аас мэдээлж байна.

Тэд хэлэхдээ "Монголын гурван сая иргэн хүнд хэцүү, хортой нөхцөлд амьдарч байна.  Хоёр дахь удаагаа засаг барьж буй Ерөнхий сайд Л.Оюун-Эрдэнийн гараас юу ч гарсангүй гэх нөхцөл байдлын талаар мэдээлэх гэж энэ хэвлэлийн хурлыг зарлаад байна.

Хотын дарга түгжрэлээ шийдэх ёстой гээд хамаг асуудлаа "чихээд" Ерөнхий сайд өөрөө болохоор "Би шударгаар ажиллаж байна" гэж худлаа "тоглолт" хийсээр өнөөдрийг хүргэж байна.

Хотын дарга нь Ерөнхий сайд болон бусад сайд нартайгаа нийлээд түгжрэлийг шийдэх ёстой. МАН-ын үе үеийн дарга нар бүгд нийлж байгаад Улаанбаатар хотыг ийм бугшсан, хөрс, агаарын бохирдолтой болгосон.

30 жилийн туршид байгаа угаарын хийгээс болж өчнөөн хүүхэд астматай болсон, хавдартай болж, зовж байна. Эргэн тойронд байгаа хүүхдүүд ханиад хүрээд, эдгэхгүй явсаар байгаад хатгаа болж байгааг харж байна. Эсвэл хоолой нь идээлээд л. Энэ байдлыг хараад тэвчээд байж чадахгүй болохоор энэ хэвлэлийн хурлыг зарлаад явж байна.

Засгийн газар нь иргэдийнхээ төлөө юу ч хийж чадахгүй байгаа учраас огцроосой гэж шаардаж байна" хэмээн ярилаа.