УИХ-ын гишүүдийн тоог нэмэх асуудлаар ЗГХЭГ-ын дарга Д.Амарбаясгалан байр сууриа илэрхийллээ.

Тэрбээр “Тоо нэмж байгаа агуулга бол парламент гэдэг ард түмнээсээ тусгаарлагдсан ялгаатай байдлыг л арилгаж байна гэсэн үг. Ерөнхий боловсролын сургуульд сурагчдын сандал, ширээ хүрдэггүй. Нэг ширээнд гурван хүүхэд сууж байхад парламентын гишүүн хээ, угалзтай үнэтэй ширээнд сууж байдаг. Энэ ялгаатай байдал ард түмэн, төр хоёрыг зааглаад байна. Тэгэхээр УИХ-ын гишүүдийн тоог нэмж тогтолцоог өөрчилснөөр ард, түмэн төр хоёрыг ижил түвшинд ойртуулах үр дүнтэй юм.

Парламентын гишүүдийн тоо цөөн байгаа нь нэг гишүүний улстөрийн эрх, мэдэл өндөр байхад нөлөөлж байна. Тэгэхээр аливаа шийдвэр шударга бусаар, хууль бусаар нөлөөлөх магадлал их байна” гэв.