Цагдаагийн байгууллагад энэ сарын 20-ны өдөр Сэлэнгэ аймгийн Баруунбүрэн сумын нутаг дэвсгэрт Герман улсын иргэнийг морьтой үл таних хүн зодож дээрэмдсэн" гэх дуудлага, мэдээлэл иржээ.

Дуудлага мэдээллийн дагуу цагдаагийн байгууллагын алба хаагчид ажиллаж гадаад улсын иргэний биед хүч хэрэглэж, хүч хэрэглэхээр заналхийлж, дээрэмдэх гэмт хэрэг үйлдсэн байж болзошгүй Б гэгчийг олж тогтоон мөрдөн шалгах ажиллагааг явуулж байна.

Иймд аялал жуулчлалын чиглэлээр үйл ажиллагаа явуулдаг аж ахуй нэгж, хувь хүн гадаад улсын иргэдийг манай улсад зорчих хугацаанд тэдний аюулгүй байдалд анхаарч, аливаа гэмт хэрэг, зөрчилд өртөж хохирохоос урьдчилан сэргийлэх чиглэлээр арга хэмжээ авч ажиллахыг цагдаагийн байгууллагаас зөвлөж байна.

Эх сурвалж: ЦЕГ